തൃശ്ശൂർ: നടൻ ശ്രീജിത്ത് രവിയെ പോക്സോ കേസിൽ പോലീസ് അറസ്റ്റ് രേഖപ്പെടുത്തി. കുട്ടികൾക്ക് നേരെ നഗ്നതാ പ്രദർശനം നടത്തിയെന്ന പരാതിയിലാണ് തൃശ്ശൂർ വെസ്റ്റ് പോലീസ് നടനെ ഇന്ന് പുലർച്ചെ അറസ്റ്റ് ചെയ്തത്.
ശ്രീജിത്ത്് രണ്ട് ദിവസം മുൻപ് ചെയ്ത കൃത്യത്തിന്റെ പേരിലാണ് അറസ്റ്റിലായിരിക്കുന്നത്. തൃശ്ശൂർ എസ്എൻ പാർക്കിൽ നടന്ന സംഭവത്തിലാണ് അറസ്റ്റ്. കേസിനെ കുറിച്ച് കൂടുതൽ അന്വേഷിക്കേണ്ടതുണ്ടെന്നും പോലീസ് പറഞ്ഞു.
നേരത്തെയും ശ്രീജിത്ത് രവിക്ക് എതിരെ സമാനമായ പരാതി ഉയർന്നിരുന്നു. ഏതാനും വർഷങ്ങൾക്ക് മുൻപ് പാലക്കാട് വെച്ചാണ് സമാനമായ കേസിൽ ശ്രീജിത്തിനെതിരെ കേസെടുത്തിരുന്നത്. എന്നാൽ കാറിലിരിക്കുകയായിരുന്നു തന്നെ അന്ന് നടന്നുപോവുകയായിരുന്ന വിദ്യാർത്ഥികൾ തെറ്റിദ്ധരിക്കുകയും കാര്യങ്ങൾ വളച്ചൊടിക്കുകയാണെന്നുമാണ് നടൻ പറഞ്ഞിരുന്നത്.
ഇത്തവണയുണ്ടായ സംഭവത്തിൽ പക്ഷേ കൃത്യമായി ദൃശ്യങ്ങൾ പരിശോധിച്ചാണ് പ്രതിയെ പോലീസ് തിരിച്ചറിഞ്ഞതും വീട്ടിൽ നിന്ന് അറസ്റ്റ് ചെയ്യുന്നതിലേക്ക് കാര്യങ്ങൾ നീങ്ങിയതും. വൈദ്യപരിശോധനയടക്കമുള്ള തുടർനടപടികളിലേക്ക് കടക്കുകയാണ് പോലീസ്.
Discussion about this post