വെളിയനാട്: ഇരട്ടകൾക്കു മിന്നുകെട്ടി ഇരട്ടകൾ. വെളിയനാട് കല്ലൂർ വീട്ടിൽ രാധാകൃഷ്ണപ്പണിക്കരുടെയും മിനിയുടെയും ഇരട്ടമക്കളായ രമ്യാകൃഷ്ണനും മീരാകൃഷ്ണനുമാണ് ഇരട്ട സഹോദരന്മാർ തന്നെ വരനായി എത്തിയത്. അടൂർ ഇടമണ്ണൂർ അഞ്ജലി വീട്ടിൽ രാജ്കുമാറിന്റെയും രാജേശ്വരിയുടെയും മക്കളായ അശോക് കുമാറും അനിൽകുമാറുമാണ് രമ്യയ്ക്കും മീരയ്ക്കും മിന്നുചാർത്തിയത്.
മുത്തശ്ശിയെ ജീവനോടെ ഫ്രീസറിനുള്ളിലാക്കി ചെറുമകന് : മൃതദേഹത്തോടൊപ്പം കഴിഞ്ഞത് മാസങ്ങള്
ജനിച്ചതു മുതൽ ഇന്നേ വരെ രമ്യയ്ക്കും മീരയ്ക്കും പിരിഞ്ഞ് ജീവിക്കേണ്ടി വന്നിട്ടില്ല. അതുകൊണ്ട് തന്നെ വിവാഹ ജീവിതത്തിലും ഒരുമിച്ച് തന്നെ ജീവിക്കാൻ അവസരം ലഭിച്ചതിന്റെ സന്തോഷത്തിലാണ് ഇവർ. സമാനമായ ചിന്തയായിരുന്നു അശോകിനും അനിലിനും ഉണ്ടായിരുന്നത്. ഇവർക്കു വധുവായി വരുന്നത് ഇരട്ടകൾ തന്നെ ആകണമെന്നായിരുന്നു ആഗ്രഹം.
ഈ രണ്ട് ആഗ്രഹങ്ങളും നടന്നതിന്റെ സന്തോഷത്തിലാണ് രണ്ടു കുടുംബവും. ഞായറാഴ്ച അമ്പലപ്പുഴ കൃഷ്ണസ്വാമീക്ഷേത്രത്തിൽ വെച്ചായിരുന്നു വിവാഹം. രമ്യ ഇപ്പോൾ പുളിങ്കുന്ന് താലൂക്ക് ആശുപത്രിയിൽ ലാബ് ടെക്നീഷ്യനായി ജോലി ചെയ്യുകയാണ്. മീര ബിരുദപഠനം കഴിഞ്ഞു നിൽക്കുന്നു. അശോകും അനിലും വിദേശത്ത് സ്വന്തമായി ബിസിനസ് നടത്തുകയാണ്.
Discussion about this post