തിരുവനന്തപുരം: രണ്ടാം പിണറായി സര്ക്കാരിന്റെ ആദ്യ ബജറ്റിനെ അഭിനന്ദിച്ച് പ്രമുഖ വ്യവസായിയും ലുലു ഗ്രൂപ്പ് ചെയര്മാനുമായ എംഎ യൂസഫലി. ധനമന്ത്രി കെഎന് ബാലഗോപാലിന്റെയും കന്നി ബജറ്റായിരുന്നു. ധനമന്ത്രി കെ. എന്. ബാലഗോപാല് അവതരിപ്പിച്ച രണ്ടാം പിണറായി സര്ക്കാരിന്റെ ആദ്യ ബജറ്റ് സാര്വ്വജന ക്ഷേമവും വികസനവുംമുന് നിര്ത്തിയുള്ള ഒരു ബജറ്റണെന്ന് യൂസഫലി പറഞ്ഞു.
കോവിഡ് വ്യാപനം സാമ്പത്തിക – ആരോഗ്യ മേഖലകലകളടക്കം പ്രതിസന്ധികള് അഭിമുഖീകരിക്കുമ്പോള് അതിനെ തരണം ചെയ്യാനുള്ളരണ്ടാംകോവിഡ് പാക്കേജ് യാഥാര്ത്ഥ്യ ബോധത്തോടെയുള്ളതാണ്. സംസ്ഥാനത്തെ ആരോഗ്യ മേഖലയെ കൂടുതല് ശക്തിപ്പെടുത്തുന്ന നിര്ദ്ദേശങ്ങള് ഭാവി തലമുറക്ക് വേണ്ടിയുള്ളതാണ്.
പ്രധാനമായും പ്രവാസികളുടെ ക്ഷേമത്തിന് ഊന്നല് നല്കിയുള്ള പ്രത്യേക വ്യായ്പാ പദ്ധതി ജോലി നഷ്ടപ്പെട്ട് നാട്ടില് മടങ്ങിയെത്തുന്ന പ്രവാസികള്ക്ക് ആശ്വാസം നല്കും. അത് കൂടാതെ യാത്രാ നിയന്ത്രണം മൂലം നാട്ടിലുള്ള പ്രവാസികള് ഉള്പ്പെടെയുള്ളവര്ക്ക്സൗജന്യവാക്സിന് ലഭ്യത ഉറപ്പ് വരുത്തുന്ന നടപടികള് പ്രശംസനീയമാണ്.പുതിയ നികുതി നിര്ദ്ദേശങ്ങള് ഇല്ലാത്തതും കൃഷി, തീരദേശ മേഖല, ടൂറിസം, വിദ്യാഭ്യാസം എന്നിവക്ക്പ്രത്യേക പരിഗണന നല്കിയത് ജനങ്ങളില് ആത്മവിശ്വാസം പകരുമെന്നും യൂസഫലി കൂട്ടിച്ചേര്ത്തു.
Discussion about this post