മഞ്ജു വാര്യര് സണ്ണി വെയ്ന് എന്നിവര് കേന്ദ്രകഥാപാത്രങ്ങളായി എത്തിയ ചതുര്മുഖം എന്ന ചിത്രം തീയ്യേറ്ററുകളില് നിന്ന് പിന്വലിച്ചു. കോവിഡ് വ്യാപനത്തെ തുടര്ന്നാണ് പുതിയ തീരുമാനം. ഫേസ്ബുക്കിലൂടെ നടി മഞ്ജു വാര്യര് തന്നെയാണ് ഇക്കാര്യം അറിയിച്ചത്. ടെക്നോ-ഹൊറര് സിനിമ എന്ന ഖ്യാതിയോടെയാണ് ചതുര്മുഖം റിലീസ് ചെയ്തത്. ഏപ്രില് 8 നായിരുന്നു ചിത്രം റിലീസ് ചെയ്തത്.
റിലീസ് ചെയ്ത് ഭൂരിഭാഗം തിയറ്ററുകളിലും ചതുര്മുഖം നിറഞ്ഞ സദസ്സില് പ്രദര്ശിപ്പിച്ചു കൊണ്ടിരിക്കെയാണ് നമ്മുടെ നാട്ടില് കോവിഡിനെതിരെയുള്ള ജാഗ്രത ശക്തമാക്കേണ്ട ആവശ്യം ഉണ്ടായിരിക്കുന്നത്. അതു കൊണ്ട് കുറച്ച് വിഷമത്തോടെയാണെങ്കിലും ചതുര്മുഖം കേരളത്തിലെ തിയറ്ററുകളില് നിന്ന് താല്ക്കാലികമായി പിന്വലിക്കാന് ഞങ്ങള് നിര്ബന്ധിതരായിരിക്കുകയാണ്. രോഗവ്യാപനം നിയന്ത്രണവിധേയവും പൊതുഇടങ്ങള് സുരക്ഷിതവുമാവുന്ന സാഹചര്യത്തില് ചതുര്മുഖം നിങ്ങളിലേക്ക് തിരിച്ചു കൊണ്ടു വരുന്നതായിരിക്കുമെന്ന് മഞ്ജു കുറിച്ചു.
ഫേസ്ബുക്ക് പോസ്റ്റിന്റെ പൂര്ണ്ണ രൂപം;
പ്രിയപ്പെട്ടവരേ,
ചതുര്മുഖം റിലീസ് ആയ അന്ന് മുതല് നിങ്ങള് തന്ന സ്നേഹത്തിന് നന്ദി. ഞങ്ങളുടെ പ്രതീക്ഷകള്ക്കും മുകളിലായിരുന്നു കുടുംബപ്രേക്ഷകരില് നിന്നും ലഭിച്ച സ്വീകരണം. റിലീസ് ചെയ്ത് ഭൂരിഭാഗം തിയറ്ററുകളിലും ചതുര്മുഖം നിറഞ്ഞ സദസ്സില് പ്രദര്ശിപ്പിച്ചു കൊണ്ടിരിക്കെയാണ് നമ്മുടെ നാട്ടില് കോവിഡിനെതിരെയുള്ള ജാഗ്രത ശക്തമാക്കേണ്ട ആവശ്യം ഉണ്ടായിരിക്കുന്നത്. അതു കൊണ്ട് കുറച്ച് വിഷമത്തോടെയാണെങ്കിലും ചതുര്മുഖം കേരളത്തിലെ തിയറ്ററുകളില് നിന്ന് താല്ക്കാലികമായി പിന്വലിക്കാന് ഞങ്ങള് നിര്ബന്ധിതരായിരിക്കുകയാണ്. രോഗവ്യാപനം നിയന്ത്രണവിധേയവും പൊതുഇടങ്ങള് സുരക്ഷിതവുമാവുന്ന സാഹചര്യത്തില് ചതുര്മുഖം നിങ്ങളിലേക്ക് തിരിച്ചു കൊണ്ടു വരുന്നതായിരിക്കും.
സര്ക്കാര് നിഷ്ക്കര്ഷിച്ചിരിക്കുന്ന മാനദണ്ഡങ്ങള് പാലിക്കുക, സുരക്ഷിതരായിരിക്കുക.
സ്നേഹത്തോടെ
നിങ്ങളുടെ സ്വന്തം
മഞ്ജുവാര്യര്.
Discussion about this post