മലപ്പുറം: തവനൂരിലെ യുഡിഎഫ് സ്ഥാനാര്ത്ഥിയാകാനൊരുങ്ങി ഫിറോസ് കുന്നുംപറമ്പില്. കോണ്ഗ്രസിന്റെ ചിഹ്നത്തില് മത്സരിക്കാന് തയ്യാറാണെന്നും ഫിറോസ് കുന്നുംപറമ്പില് പറഞ്ഞു.
കോണ്ഗ്രസ് നേതാക്കള് തന്നെ വിളിച്ച് മത്സരിക്കണമെന്ന് ആവശ്യപ്പെട്ടെന്ന് ഫിറോസ് കുന്നംപറമ്പില് പറഞ്ഞു. യുഡിഎഫ് സ്ഥാനാര്ത്ഥിയായി തവനൂരില് മത്സരിക്കും, എതിരാളി ആരെന്നത് പ്രശ്നമില്ലെന്നും ഫിറോസ് കുന്നംപറമ്പില് പറഞ്ഞു.
കോണ്ഗ്രസിന്റെ സാധ്യതാ പട്ടികയില് ഫിറോസ് കുന്നുംപറമ്പില് ഇടംപിടിച്ചിരുന്നു. സ്ഥാനാര്ത്ഥിത്വവുമായി ബന്ധപ്പെട്ട് സ്ക്രീനിങ്ങ് കമ്മിറ്റിയിലെ മുതിര്ന്ന അംഗം ഫിറോസിനെ ഫോണില് വിളിച്ചു.
കൈപ്പത്തി ചിഹ്നത്തില് തന്നെ ഫിറോസിനെ കളത്തിലിറക്കാനാണ് തീരുമാനം. മുസ്ലിംലീഗിന്റെ കൂടി താത്പര്യം പരിഗണിച്ചാണ് ഫിറോസ് സാധ്യതാ പട്ടികയില് ഇടംപിടിച്ചത്. യൂത്ത് കോണ്ഗ്രസ് സംസ്ഥാന വൈസ് പ്രസിഡണ്ട് റിയാസ് മുക്കോളിയും കെപിസിസി സെക്രട്ടറി കെപി നൗഷാദലിയും മണ്ഡലത്തിലെ സാധ്യതാ പട്ടികയിലുണ്ട്.
Discussion about this post