പത്തനംതിട്ട: സംസ്ഥാനത്ത് ഒരാള് കൂടി കൊവിഡ് ബാധിച്ചു മരിച്ചു. പത്തനംതിട്ട ഇലന്തൂര് സ്വദേശിനി സരസമ്മ ( 59) ആണ് മരിച്ചത്. കോട്ടയം മെഡിക്കല് കോളജ് ആശുപത്രിയില് ചികിത്സയിലിരിക്കെയാണ് മരണം. സംസ്ഥാത്ത് ഇന്ന് റിപ്പോര്ട്ട് ചെയ്യുന്ന രണ്ടാമത്തെ കൊവിഡ് മരണമാണിത്.
നേരത്തെ കൊല്ലം സ്വദേശി കൊവിഡ് ബാധിച്ചു മരിച്ചിരുന്നു. കൊട്ടാരക്കര വിലങ്ങറ മലവിള ലിബ ഭവനില് ബാബു (56) ആണു മരിച്ചത്.വൃക്ക സംബന്ധമായ അസുഖത്തിനു കൊട്ടാരക്കര താലൂക്ക് ആശുപത്രിയില് ചികില്സയിലിരിക്കെയാണു കൊവിഡ് സ്ഥിരീകരിക്കുന്നത്.
അതേസമയം പത്തനംതിട്ടയില് ഇന്നലെ കൊവിഡ് ബാധിച്ച് നാല് പേരാണ് മരിച്ചത്. ഇന്നലെ പതിനേഴ് പേര്ക്കാണ് കൊവിഡ് സ്ഥിരീകരിച്ചത്. ഇന്നലെ രോഗം സ്ഥിരീകരിച്ചവരില് ഒരാള് അന്യ സംസ്ഥാനത്ത് നിന്ന് വന്നതാണ്. പതിനാറ് പേര്ക്ക് സമ്പര്ക്കത്തിലൂടെയുമാണ് രോഗം ബാധിച്ചത്.
Discussion about this post