ഇടുക്കി: മലങ്കര അണക്കെട്ടിന്റെ ജലനിരപ്പ് ഉയരുന്ന സാഹചര്യത്തില് ഷട്ടറുകള് നാളെ രാവിലെ ആറു മണിക്ക് 20 സെ.മീ വീതം തുറക്കുമെന്ന് എറണാകുളം ജില്ലാ കളക്ടര് എസ് സുഹാസ് അറിയിച്ചു. മൂന്ന് ഷട്ടറുകളാണ് തുറക്കുന്നത്.
തൊടുപുഴ, മൂവാറ്റുപുഴ എന്നീ നദികളുടെയും കൈവഴികളുടെയും ഒഴുക്ക് ശക്തിപ്പെടാനിടയുള്ളതിനാല് ജാഗ്രത പാലിക്കണമെന്നും കളക്ടര് അറിയിച്ചു. അതെസമയം കേരളത്തില് ചിലയിടങ്ങളില് ശക്തമായ മഴക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചിട്ടുണ്ട്. വിവിധ ജില്ലകളില് മഞ്ഞ അലേര്ട്ട് പ്രഖ്യാപിച്ചു.
വേനല്മഴയോടനുബന്ധിച്ചുള്ള ഇടിമിന്നലോട് കൂടിയ മഴ സംസ്ഥാനത്ത് വിവിധയിടങ്ങളില് അടുത്ത 5 ദിവസവും തുടരാന് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പ് അറിയിപ്പ്. 2020 മെയ് 16 : കൊല്ലം ,പത്തനംതിട്ട ,ആലപ്പുഴ ,കോട്ടയം ,എറണാകുളം ,ഇടുക്കി ,കണ്ണൂര് ജില്ലകളിലും, 2020 മെയ് 17: കൊല്ലം ,പത്തനംതിട്ട ,ആലപ്പുഴ ,കോട്ടയം ,എറണാകുളം ,ഇടുക്കി ,തൃശൂര് ,പാലക്കാട് ജില്ലകളിലും,
2020 മെയ് 18:കൊല്ലം ,പത്തനംതിട്ട ,ആലപ്പുഴ ,കോട്ടയം ,എറണാകുളം ,ഇടുക്കി ,തൃശൂര് ,പാലക്കാട് ,മലപ്പുറം എന്നീ ജില്ലകളിലുമാണ് കേന്ദ്ര കാലാവസ്ഥ വകുപ്പ് മഞ്ഞ അലേര്ട്ട് പ്രഖ്യാപിച്ചിരിക്കുന്നത്.
ഒറ്റപ്പെട്ടയിടങ്ങളില് 24 മണിക്കൂറില് 64.5 mm മുതല് 115.5 mm വരെ മഴ ലഭിക്കുന്ന ശക്തമായ മഴയാണ് പ്രവചിക്കപ്പെട്ടിരിക്കുന്നത്. 2020 മെയ് 16 മുതല് മെയ് 20 വരെ സംസ്ഥാനത്ത് വിവിധയിടങ്ങളില് ഇടിമിന്നലോട് കൂടിയ മഴയ്ക്കും ചില നേരങ്ങളില് പൊടുന്നനെ വീശിയടിക്കുന്ന കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. സംസ്ഥാന ദുരന്ത നിവാരണ അതോറിറ്റി പുറപ്പെടുവിക്കുന്ന ഇടിമിന്നല് ജാഗ്രത നിര്ദേശങ്ങള് കര്ശനമായി പാലിക്കുക.
Discussion about this post