പത്തനംതിട്ട: കോവിഡ് 19 നിരീക്ഷണത്തിലുള്ള വിദ്യാര്ഥിനിയുടെ വീടിനു നേരെ ഉണ്ടായ ആക്രമണത്തില് പ്രതികരിച്ച് മുഖ്യമന്ത്രി പിണറായി വിജയന്. കുറ്റക്കാര്ക്കെതിരെ കര്ശന നടപടി സ്വീകരിക്കുമെന്നും ഇതിനായി നിര്ദേശം നല്കിയിട്ടുണ്ടെന്നും അദ്ദേഹം പറഞ്ഞു. കഴിഞ്ഞദിവസമാണ് തണ്ണിത്തോടുള്ള വിദ്യാര്ഥിനിയുടെ വീടിനു നേരെ ആക്രമണം ഉണ്ടായത്.
കായമ്പത്തൂരില് നിന്നും എത്തിയ വിദ്യാര്ഥിനി വീട്ടില് നിരീക്ഷണത്തില് കഴിയുകയായിരുന്നു. കുട്ടിയുടെ അച്ഛന് നേരെ വധഭീഷണിയുണ്ടായിരുന്നു. ഇത് സംബന്ധിച്ച് മുഖ്യമന്ത്രിയ്ക്ക് പരാതി നല്കിയതിന് പിന്നാലെയാണ് വീടിനു നേരെ
ആക്രമണമുണ്ടായത്.
ഇത്തരം സംഭവങ്ങള് അനുവദിക്കാനാവില്ലെന്നും പോലീസിനൊപ്പം നാട്ടുകാരും ഇത്തരം കുത്സിത പ്രവര്ത്തകര്ക്കെതിരെ രംഗത്തുവരണമെന്നും മുഖ്യമന്ത്രി പറഞ്ഞു. നാടിന്റെ ജാഗ്രത ഇത്തരം കാര്യങ്ങള്ക്ക് നേരെയും ഉയരണമെന്ന് മുഖ്യമന്ത്രി പറഞ്ഞു.
Discussion about this post