പട്ന: മെഡിക്കല് ഷോപ്പില് തന്നെ കണ്ടപ്പോള് എഴുന്നേറ്റുനിന്ന് ബഹുമാനിക്കാതിരുന്നതിന്റെ പേരില് വ്യാപാരിയെ ക്രൂരമായി മര്ദ്ദിച്ച് ബിജെപി ദേശീയ വൈസ് പ്രസിഡന്റിന്റെ സഹോദരന്. രേണു ദേവിയുടെ സഹോദരന് പിനുവാണ് തുടര്ച്ചയായി മെഡിക്കല് ഷോപ്പ് വ്യാപാരിയുടെ മുഖത്തടിച്ചത്. ഈ ദൃശ്യങ്ങള് അടങ്ങിയ വീഡിയോ ഇപ്പോള് സമൂഹമാധ്യമങ്ങളില് പ്രചരിക്കുകയാണ്.
ബീഹാറിലെ ബെട്ടിയയിലാണ് സംഭവം. മെഡിക്കല് ഷോപ്പില് എത്തിയപ്പോള് തന്നെ കണ്ട് വ്യാപാരി എഴുന്നേറ്റുനിന്നു ബഹുമാനിക്കാതിരുന്നത് പിനുവിനെ പ്രകോപിതനാക്കി. തുടര്ന്ന് ഇയാള് വ്യാപാരിയുടെ മുഖത്തടിക്കുകയും വലിച്ച് കടയ്ക്ക് പുറത്ത് കൊണ്ടു പോയി ആക്രമിക്കുന്നതും വീഡിയോയില് വ്യക്തമായി കാണാം. പിനുവിനൊപ്പം കടയിലെത്തിയ സുഹൃത്തുക്കളും വ്യാപാരിയെ ആക്രമിക്കുന്നതും കാണാം.
തുടര്ന്ന് കാറില് വലിച്ചുകയറ്റി മറ്റൊരു സ്ഥലത്തേയ്ക്ക് കൊണ്ടുപോയി. ഈ വാഹനം പോലീസ് പിന്നീട് കണ്ടെത്തി. സംഭവത്തില് കേസ് രജിസ്റ്റര് ചെയ്ത് പോലീസ് അന്വേഷണം ആരംഭിച്ചു. ഇത് വിവാദമായതിന് പിന്നാലെ പിനുവിന്റെ സഹോദരി രേണു ദേവി പ്രതികരണവുമായി രംഗത്തുവന്നു. കുറെ വര്ഷങ്ങളായി താനും പിനുവും പരസ്പരം സംസാരിക്കാറു പോലുമില്ലെന്നും തെറ്റു ചെയ്തവര് ശിക്ഷിക്കപ്പെടണമെന്നും രേണു ദേവി പറഞ്ഞു.
#WATCH: BJP National vice president & former Bihar minister Renu Devi's brother Pinu assaults a chemist at a medical shop in Bettiah allegedly for not standing up to show him respect. Incident caught on CCTV camera. #Bihar (June 3) pic.twitter.com/zSrY0or2Kh
— ANI (@ANI) June 6, 2019
Discussion about this post