ബാരാബങ്കി: രാജ്യത്ത് നിന്ന് മുസ്ലീങ്ങളെ ഇല്ലാതാക്കണമെങ്കില് ബിജെപിക്ക് വോട്ടു ചെയ്യൂവെന്ന് ബിജെപി നേതാവ്. ഉത്തര്പ്രദേശിലെ നേതാവ് രഞ്ജിത് ബഹാദുര് ശ്രീവാസ്തവയാണ് വിവാദ പ്രസ്താവന നടത്തിയത്. തെരഞ്ഞെടുപ്പ് പൊതുയോഗത്തില് വെച്ചാണ് വിവാദ പരാമര്ശം നടത്തിയത്.
”കഴിഞ്ഞ അഞ്ചുവര്ഷത്തിനിടെ മുസ്ലീങ്ങളുടെ ആത്മവീര്യം നശിപ്പിക്കുന്നതിന് മോഡി ഒട്ടേറെ ശ്രമം നടത്തി. മുസ്ലീം ജനസംഖ്യ വര്ധിക്കുകയാണ്. സമീപഭാവിയിലെ വോട്ടെടുപ്പില് അവര് നിര്ണ്ണായക ശക്തിയായി മാറും. ലോക്സഭാ തെരഞ്ഞെടുപ്പിനുശേഷം ബിജെപി ചൈനയില്നിന്ന് ക്ഷൗരയന്ത്രങ്ങള് കൊണ്ടുവരും. അവയുപയോഗിച്ച് പത്തു പന്ത്രണ്ടായിരത്തോളം മുസ്ലീങ്ങളെ ക്ഷൗരം ചെയ്യും. പിന്നീട് അവരെ ഹിന്ദുമതത്തിലേക്കു മാറ്റും.”- ശ്രീവാസ്തവ പറയുന്നു.
ബിജെപിക്ക് അല്ല വോട്ട് ചെയ്യുന്നതെങ്കില് അതിന്റെ അനന്തരഫലം അനുഭവിക്കാന് ഒരുങ്ങിക്കോളണമെന്നും ബിജെപി നേതാവ് മുന്നറിയിപ്പ് നല്കി. നേതാവിന്റെ പ്രസ്താവന ഇതിനോടകം വിവാദത്തില് കലാശിച്ചിരിക്കുകയാണ്. സംഭവത്തിന്റെ ദൃശ്യങ്ങള് സമൂഹമാധ്യമങ്ങളില് നിറഞ്ഞു കഴിഞ്ഞു.
Discussion about this post