ശ്രീനഗര്: കോണ്ഗ്രസ് ചിഹ്നത്തില് വോട്ട് രേഖപ്പെടുത്തുമ്പോള് ബട്ടണ് അമരുന്നില്ലെന്നും വോട്ട് വീഴുന്നില്ലെന്ന ഗുരുതര ആരോപണവുമായി എന്സി നേതാവ് ഒമര് അബ്ദുള്ള. ജമ്മുകാശ്മീരിലെ പൂഞ്ച് ജില്ലയിലാണ് ഇലക്ട്രോണിക് വോട്ടിംഗ് യന്ത്രത്തിലെ ഗുരുതര പിഴവ് ചൂണ്ടിക്കാണിച്ചിരിക്കുന്നത്.
പൂഞ്ചിലെ പോളിങ് ബൂത്തില് കോണ്ഗ്രസ് സ്ഥാനാര്ത്ഥിയുടെ പേരിന് നേരെയുള്ള ബട്ടണ് അമര്ത്തുമ്പോള് ബട്ടണ് അമരുന്നില്ലെന്നും വോട്ട് വീഴുന്നില്ലെന്നും ഒമര് അബ്ദുള്ള ട്വീറ്റ് ചെയ്യുകയായിരുന്നു. പോളിങ് ബൂത്തില് നിന്ന് വോട്ട് ചെയ്ത് പുറത്തിറങ്ങിയവരാണ് ആദ്യം ഇതുസംബന്ധിച്ച് സംശയമുയര്ത്തിയത്. കോണ്ഗ്രസ് സ്ഥാനാര്ത്ഥിക്ക് നേരെയുള്ള ബട്ടണ് അമര്ത്തുമ്പോള് ബട്ടണ് അമരുന്നില്ലെന്നും വോട്ട് രേഖപ്പെടുത്തിയതായി തങ്ങള്ക്ക് തോന്നുന്നില്ലെന്നും വോട്ട് ചെയ്ത് പുറത്തിറങ്ങിയവര് പറയുന്നു.
ലേണിങ് ഓഫീസര് പതിനഞ്ച് മിനുട്ടിനകം എത്തുമെന്നും പരാതി പരിഹരിക്കുമെന്നുമാണ് അധികൃതര് അറിയിച്ചു. ഇത്രയം സമയത്തിനുള്ളില് വോട്ട് രേഖപ്പടുത്തിയവരുടെ എല്ലാം വോട്ട് സ്ഥാനാര്ത്ഥിയുടെ പേരില് ആയിട്ടുണ്ടോ എന്ന കാര്യത്തില് സംശയമുണ്ടെന്നും ഇവര് പറയുന്നു. വോട്ട് ചെയ്ത് പുറത്തിറങ്ങിയ നിരവധി പേര് ഇതേ പരാതിയുമായി രംഗത്തെത്തിയിട്ടുണ്ട്.
Discussion about this post