ന്യൂഡല്ഹി: ഡല്ഹിയില് നിന്ന് പാരീസിലേക്ക് പുറപ്പെടേണ്ട എയര് ഇന്ത്യ വിമാനം റദ്ദാക്കി. ഡല്ഹി – പാരീസ് എഐ 143 വിമാനമാണ് തകരാര് കണ്ടെത്തിയതിനെ തുടര്ന്ന് റദ്ദാക്കിയത്. ഡല്ഹിയില് നിന്ന് പുറപ്പെടുന്നതിനു മുന്പുള്ള പരിശോധനയില് വിമാനത്തില് തകരാര് കണ്ടെത്തുകയായിരുന്നു.
ഈ തകരാര് പരിഹരിക്കാനുള്ള ശ്രമങ്ങള് വിമാനക്കമ്പനി തുടങ്ങി. ബുദ്ധിമുട്ട് നേരിട്ട യാത്രക്കാര്ക്ക് ഡല്ഹിയില് തന്നെ ഹോട്ടലില് താമസ സൗകര്യം ഏര്പ്പാടാക്കി. ടിക്കറ്റ് ക്യാന്സല് ചെയ്യുന്നവര്ക്ക് മുഴുവന് തുകയും തിരികെ നല്കുമെന്നും എയര് ഇന്ത്യ അറിയിച്ചു.
ഈ സര്വീസ് റദ്ദാക്കിയതോടെ പാരീസില് നിന്ന് ഡല്ഹിയിലേക്ക് പുറപ്പെടേണ്ടിയിരുന്ന എഐ 142 വിമാനവും റദ്ദാക്കപ്പെട്ടു.
അഹമ്മദാബാദില് അപകടത്തില്പ്പെട്ട ബോയിങ് ഡ്രീം ലൈനര് ശ്രേണിയിലുള്ള വിമാനം തന്നെയാണ് ഇന്ന് പാരീസിലേക്ക് പറക്കേണ്ടിയിരുന്നത്.
Discussion about this post