ന്യൂഡല്ഹി: ഹിന്ദുക്കളും ചെറിയ പ്രായത്തിലേ അവരുടെ മക്കളെ കല്യാണം കഴിപ്പിക്കണമെന്ന് ആഹ്വാനം ചെയ്ത് എഐയുഡിഎഫ് അദ്ധ്യക്ഷന് ബദറുദ്ദീന് അജ്മല് എംപി. ഹിന്ദുക്കള് ‘മുസ്ലിം ഫോര്മുല’ സ്വീകരിക്കണമെന്നാണ് അദ്ദേഹം എഎന്ഐയോട് പറഞ്ഞത്.
‘മുസ്ലിം പുരുഷന് നിയമം അനുശാസിക്കുന്ന 20-22നും ഇടയിലും മുസ്ലിം സ്ത്രീ 18 വയസ്സിലും വിവാഹം കഴിക്കുന്നു. അപ്പുറത്ത്, വിവാഹത്തിന് മുന്പേ ഒന്ന്, രണ്ട്, മൂന്ന് അനൗദ്യോഗിക ഭാര്യമാരുണ്ടാവും. അവര് പ്രസവിക്കുന്നില്ല, രസിക്കുകയും പണം സംരക്ഷിക്കുകയും ചെയ്യുന്നു’, ബദറുദ്ദീന് അജ്മല് പറഞ്ഞു.
’40 വയസ്സ് കഴിയുമ്പോള് അവര് രക്ഷിതാക്കള് ചെലുത്തുന്ന സമ്മര്ദ്ദത്താല് വിവാഹം കഴിക്കുന്നു. 40ന് ശേഷം കുട്ടികളുണ്ടാവുമെന്ന് പ്രതീക്ഷിക്കാന് കഴിയുമോ?. വളക്കൂറുള്ള മണ്ണില് വിതച്ചാല് മാത്രമേ നിങ്ങള്ക്ക് നല്ല വിളവുണ്ടാക്കാന് കഴിയൂ. അവിടയെ നല്ല വളര്ച്ചയുണ്ടാവൂ.
Read Also: 1,400 ക്ഷേത്രങ്ങള് നിര്മ്മിക്കാനൊരുങ്ങി ആന്ധ്ര സര്ക്കാര്: ഓരോ ക്ഷേത്രത്തിനും 10 ലക്ഷം രൂപ
അവര് മുസ്ലിങ്ങളുടെ ഫോര്മുല സ്വീകരിക്കുകയും ആണ്മക്കളെ 20-22 വയസ്സിനിടയിലും പെണ്കുട്ടികളെ 18-20 വയസ്സിനിടയിലും വിവാഹം കഴിപ്പിക്കണം. എന്നിട്ട് നോക്കൂ എത്ര കുട്ടികളുണ്ടാവുമെന്ന്.’, ബദറുദ്ദീന് അജ്മല് പറഞ്ഞു.
Discussion about this post