ഓടിക്കളിച്ച് തളര്ന്ന് ഉറങ്ങിക്കിടന്ന ആനക്കുട്ടിയെ എഴുന്നേല്പ്പിക്കാന് മൃഗശാല അധികൃതരുടെ സഹായം തേടി അമ്മയാന. ഏറെനേരം കഴിഞ്ഞിട്ടും ആനക്കുട്ടി ഉണരാതെ വന്നതോടെ പരിഭ്രമിച്ച അമ്മയാന സഹായം തേടുകയായിരുന്നു. തുമ്പിക്കൈ കൊണ്ട് തട്ടിയും മറ്റും എഴുന്നേല്പ്പിക്കാന് ശ്രമിച്ചെങ്കിലും ആനക്കുട്ടി ഇതൊന്നുമറിയാതെ ഉറക്കം തുടര്ന്നു.
പ്രാഗ് മൃഗശാലയിലെ ആനക്കുട്ടിയുടെ ഈ വീഡിയോ ഐഎഫ്എസ് ഉദ്യോഗസ്ഥനായ രമേഷ് പാണ്ടെയാണ് ട്വിറ്ററില് രസകരമായ വീഡിയോ പങ്കിട്ടിരിക്കുന്നത്. ആനക്കുട്ടി ഉണരാതെ വന്നതോടെ ഭയന്ന അമ്മയാന അല്പസമയം അവിടെ തുടര്ന്നശേഷം വേഗം മൃഗശാല ജീവനക്കാരുടെ സഹായം തേടുന്നതാണ് ദൃശ്യം.
After running and frolicking, an elephant calf went into a slumber. Worried mother sought help of zoo keepers to wake him up. Elephants are intelligent and social animals and interesting to observe. An old video from Prague Zoo. pic.twitter.com/EFNnYe0FNc
— Ramesh Pandey (@rameshpandeyifs) March 5, 2021
അമ്മയാനയ്ക്കൊപ്പമെത്തിയ ജീവനക്കാര് ആനക്കുട്ടിയെ ശരീരത്തില് തട്ടിയതോടെ കുട്ടിയാന ഉറക്കം വിട്ടുണര്ന്നു. ശേഷം അമ്മയ്ക്കരികിലേയ്ക്ക് കുട്ടിയാന ഓടിപോവുകയും ചെയ്യുന്നത് വീഡിയോയില് കാണാം.
Discussion about this post