ന്യൂഡൽഹി: കവിത രചിച്ചും ആലപിച്ചും പുതുവർഷത്തെ വരവേറ്റ് പ്രധാനമന്ത്രി നരേന്ദ്രമോഡി. അദ്ദേഹം തന്നെ രചിച്ച് ആലപിച്ച കവിത പങ്കുവെച്ചിരിക്കുന്നത് കേന്ദ്രസർക്കാർ ഔദ്യോഗികമായാണ്. അബി തോ സൂരജ് ഉഗ ഹെ (ഇപ്പോഴാണ് സൂര്യൻ ഉദിച്ചത്’) എന്ന തലക്കെട്ടിലുള്ള വീഡിയോ ആണ് കേന്ദ്രസർക്കാർ ട്വിറ്ററിലൂടെ പങ്കുവെച്ചിരിക്കുന്നത്.
ആരോഗ്യപ്രവർത്തകരേയും കർഷകരേയും വാഴ്ത്തുകയും ചെയ്യുന്ന കവിതാ വീഡിയോ 1.37 മിനുട്ട് ദൈർഘ്യമുള്ളതാണ്. മോഡി ഡൽഹിയിലെ ഗുരുദ്വാര സന്ദർശിച്ചതിന്റെ ദൃശ്യങ്ങളും യുദ്ധവിമാനങ്ങളുടെ ദൃശ്യങ്ങളും വീഡിയോയിലുണ്ട്.
Let's start our first day of the new year with a mesmerizing and motivating poem 'Abhi toh Suraj Uga hai', written by our beloved PM @narendramodi. @PIB_India @MIB_India @PMOIndia pic.twitter.com/9ajaqAX76w
— MyGovIndia (@mygovindia) January 1, 2021
നേരത്തെ, രാജ്യത്തെ ജനങ്ങൾക്ക് പുതുവത്സരാശംസകൾ നേർന്ന് പ്രധാനമന്ത്രി നരേന്ദ്ര മോഡിയും കോൺഗ്രസ് നേതാവ് രാഹുൽ ഗാന്ധിയും രംഗത്തെത്തിയിരുന്നു. ‘എല്ലാവർക്കും സന്തോഷം നിറഞ്ഞ പുതുവത്സരാശംസകൾ. ആരോഗ്യവും സന്തോഷവും ഐശ്വര്യവും നിറഞ്ഞ വർഷമാവട്ടെയെന്ന് മോഡി ട്വീറ്റ് ചെയ്തിരുന്നു.
അതേസമയം, പുതുവർഷ ആശംസയിലും രാജ്യ തലസ്ഥാനത്ത് പോരാടുന്ന കർഷകരെ അനുസ്മരിച്ചായിരുന്നു രാഹുൽ ഗാന്ധിയുടെ പുതുവത്സരാശംസ. നമ്മളിൽ നിന്ന് വിട്ടുപിരിഞ്ഞവരെ ഓർത്തും നമ്മെ സംരക്ഷിക്കുന്നവരോടും നമുക്കായി ത്യാഗം സഹിക്കുന്ന എല്ലാവരോടും നന്ദി പറയാമെന്ന് രാഹുൽ ട്വീറ്റ് ചെയ്തു.
അന്തസ്സോടെയും ആത്മാഭിമാനത്തോടെയും പോരാടുന്ന കർഷകരോടും തൊഴിലാളികളോടും ഒപ്പമാണ് തന്റെ മനസ്സ് എന്നും ട്വിറ്ററിലൂടെ രാഹുൽ ഗാന്ധി പുതുവത്സര ആശംസകൾ നേർന്നു.
Discussion about this post