ന്യൂഡല്ഹി: കൊവിഡ് ബാധിച്ച് മരിച്ച ആരോഗ്യ പ്രവര്ത്തകരുടെ വിവരങ്ങള്, മുതല് കര്ഷക ആത്മഹത്യ വരെയുള്ള കണക്കുകള് ലഭ്യമല്ലെന്ന് പറഞ്ഞ മോഡി സര്ക്കാരിനെ വിമര്ശിച്ച് കോണ്ഗ്രസ് എംപി ശശി തരൂര്. എന്ഡിഎ എന്നാല് നാഷ്ണല് ഡെമോക്രാറ്റിക്ക് അലൈന്സ് എന്നല്ല എന്ഡിഎ എന്നാല് നോ ഡാറ്റ അവെയ്ലബിള് ആണെന്ന് ശശി തരൂര് വിമര്ശിച്ചു. ട്വിറ്ററിലൂടെയായിരുന്നു തരൂരിന്റെ വിമര്ശനം.
‘കുടിയേറ്റ തൊഴിലാളികളുടെ വിവരങ്ങളില്ല, കര്ഷക ആത്മഹത്യയുടെ കണക്കില്ല, സാമ്പത്തിക ഉത്തേജനത്തെ കുറിച്ച് തെറ്റായ വിവരങ്ങള്, കൊവിഡ് മരണങ്ങളെ കുറിച്ച് സംശയാസ്പദമായ കണക്കുകള്, ജിഡിപി വളര്ച്ചയെ കുറിച്ച് തെളിവില്ലാത്ത വിവരങ്ങള്- സര്ക്കാര് എന്ഡിഎക്ക് പുതിയ അര്ഥം നല്കിയിരിക്കുന്നു’.. എന്നാണ് തരൂരിന്റെ ട്വീറ്റ്.
No #data on migrant workers, no data on farmer suicides, wrong data on fiscal stimulus, dubious data on #Covid deaths, cloudy data on GDP growth — this Government gives a whole new meaning to the term #NDA! pic.twitter.com/SDl0z4Hima
— Shashi Tharoor (@ShashiTharoor) September 22, 2020
കൊവിഡ് ബാധിച്ച് മരിച്ച ആരോഗ്യ പ്രവര്ത്തകരുടെ വിവരങ്ങള്, രാജ്യത്താകെയുള്ള പ്ലാസ്മ ബാങ്കുകളുടെ എണ്ണം, ലോക്ക്ഡൌണില് ജീവന് നഷ്ടമായ കുടിയേറ്റ തൊഴിലാളികളുടെ എണ്ണം,കൊറോണ വൈറസ് കാരണം ജോലി നഷ്ടമായവരുടെ എണ്ണം, തുടങ്ങിയ വിവരങ്ങളൊന്നും കൈവശമില്ലെന്നാണ് മോഡി സര്ക്കാര് പാര്ലമെന്റിലെ ചോദ്യങ്ങള്ക്ക് ഉത്തരമായി പറഞ്ഞിരുന്നു. ഈ പശ്ചാത്തലത്തിലാണ് തരൂരിന്റെ വിമര്ശനം.
Discussion about this post