ന്യൂഡല്ഹി: നിര്ഭയ കേസിലെ പ്രതികള്ക്ക് പുതിയ മരണവാറണ്ട്. പ്രതികളെ മാര്ച്ച് മൂന്നിന് തൂക്കിലേറ്റാന് നിര്ദേശിക്കുന്ന പുതിയ മരണവാറണ്ടാണ് ഇപ്പോള് പുറപ്പെടുവിച്ചത്. നിര്ഭയ കേസില് പ്രതികള്ക്ക് ഇത് മൂന്നാം തവണയാണ് മരണ വാറണ്ട് പുറപ്പെടുവിക്കുന്നത്.
ഡല്ഹി പട്യാല ഹൗസ് കോടതിയില് അഡീഷണല് സെഷന് ജഡ്ജ് ധര്മേന്ദര് റാണയാണ് പുതിയ മരണ വാറണ്ട് പുറപ്പെടുവിച്ചത്. മാര്ച്ച് മൂന്നിന് രാവിലെ ആറുമണിക്കാണ് നാല് പ്രതികളേയും തൂക്കിലേറ്റേണ്ടതെന്ന് ഇതില് പറയുന്നു. പ്രതികള്ക്ക് മൂന്നാം തവണയാണ് മരണ വാറണ്ട് പുറപ്പെടുവിക്കുന്നത്.
നേരത്തെ ജനവുരി 17-നും ഫെബ്രുവരി ഒന്നിനും പ്രതികളെ തൂക്കിലേറ്റാനുള്ള മരണവാറണ്ടുകളുണ്ടായിരുന്നു. എന്നാല് ദയാ ഹര്ജികളും മറ്റു നിയമനടപടികളും കാരണം കോടതി വാറണ്ടുകള് സ്റ്റേ ചെയ്യുകയായിരുന്നു. ഇതിന് പിന്നാലെയാണ് ഇപ്പോള് പുതിയ മരണ വാറണ്ട് പുറപ്പെടുവിച്ചിരിക്കുന്നത്.
Discussion about this post