കല്പ്പറ്റ:വയനാട്ടിൽ അതിശക്തമായ മഴ തുടരുകയാണ്. താമരശ്ശേരി ചുരത്തിലുണ്ടായ മണ്ണിടിച്ചിലില് സര്ക്കാര് വകുപ്പുകള് പരിശോധന നടത്തി.
ജിയോളജി, മണ്ണ് സംരക്ഷണ വകുപ്പുകള് സംയുക്തമായാണ് പരിശോധന നടത്തിയത്. ചുരത്തിലൂടെ ഒഴുകുന്ന ചാലുകളിൽ പലയിടത്തും നിറവ്യത്യാസം ഉണ്ട്.
ദ്രവിച്ച പാറകള് വലിയ മണ്ണിടിച്ചിലിന് കാരണമായെന്ന് പ്രാഥമിക പരിശോധനയില് ബോധ്യപ്പെട്ടതായി ഉദ്യോഗസ്ഥര് മാധ്യമങ്ങളെ അറിയിച്ചു. ദ്രവിച്ച വലിയ പാറകളാണ് അപകടകരമായ രീതിയില് താഴേക്ക് പൊട്ടിയിറങ്ങിയത്.
ഏകദേശം 30 മീറ്ററോളം ഉയരത്തില് നിന്നാണ് ഇത്തരത്തില് പാറയും മണ്ണും മരങ്ങളും ഒലിച്ചിറങ്ങിയിരിക്കുന്നത്. മേഖലയില് ഇനിയും മണ്ണിടിച്ചില് ഉണ്ടാകാന് സാധ്യതയുണ്ടെന്ന് ഉദ്യോഗസ്ഥ സംഘം സൂചന നല്കി.
അതിനാൽ നിലവില് ചുരം പൂര്ണമായും അടച്ചിട്ടിരിക്കുകയാണ്. പ്രധാനപ്പെട്ട സര്വീസുകളായ ആംബുലന്സ് മാത്രമാണ് ഇതുവഴി കടത്തിവിട്ടുകൊണ്ടിരിക്കുന്നത്.
Discussion about this post