കൊല്ലം: റിട്ട. അധ്യാപികയായ 78 വയസുകാരിയെ ക്രൂരമായി മർദ്ദിച്ച് അയൽവാസി. കൊല്ലം ജില്ലയിലെ കൊട്ടാരക്കരയിൽ ആണ് സംഭവം. കൊട്ടാരക്കര ഗാന്ധിമുക്കിൽ സരസമ്മയെയാണ് അയൽവാസി ശശിധരൻ വീട് കയറി ആക്രമിച്ചത്.
ഇന്നലെയാണ് സംഭവം. സംഭവത്തില് പ്രതിയായ ശശിധരനെ (70) കൊട്ടാരക്കര പൊലീസ് അറസ്റ്റ് ചെയ്തു. ശശിധരൻ വീട്ടിലേക്ക് അതിക്രമിച്ച് കയറുകയായിരുന്നു.
തുടർന്ന് ശശിധരനെ വയോധിക വടി കൊണ്ട് അടിക്കാന് ശ്രമിച്ചു. പിന്നാലെ വടി പിടിച്ച് വാങ്ങി ശേഷം സരസമ്മയെ പ്രതി ക്രൂരമായി മർദ്ദിക്കുകയായിരുന്നു.
അയൽവാസികൾ തമ്മിലുള്ള തർക്കമാണ് ആക്രമണത്തിന് കാരണമെന്ന് പൊലീസ് അറിയിച്ചു. ഇവർ തമ്മിൽ വഴക്ക് പതിവാണ്. പരിക്കേറ്റ വയോധിക ആശുപത്രിയിൽ ചികിത്സ തേടി.
Discussion about this post