കല്പ്പറ്റ:വീട്ടില് അതിക്രമിച്ചു കയറി കോടാലി ഉപയോഗിച്ച് വയോധികനെ വെട്ടിക്കൊലപ്പെടുത്താന് ശ്രമിച്ച 55കാരൻ അറസ്റ്റിൽ. വായനാട്ടിലാണ് സംഭവം.വെള്ളമുണ്ട മൊതക്കര മാനിയില് കണ്ണിവയല് വീട്ടില് ബാലനാണ് അറസ്റ്റിലായത്.
അയല്വാസിയായ വയോധികനെയാണ് ബാലൻ ആക്രമിച്ചത്. കഴിഞ്ഞ ദിവസം രാവിലെയായിരുന്നു കേസിന് ആസ്പദമായ സംഭവം. വീട്ടില് അതിക്രമിച്ചു കയറിയ ബാലൻ വയോധികനെ കോടാലി കൊണ്ട് കാലിന് വെട്ടുകയായിരുന്നു.
ശേഷം മുറ്റത്തു കിടന്ന കല്ലു കൊണ്ട് തലക്കടിച്ചു പരിക്കേല്പ്പിക്കുകയും ചെയ്തു. നാട്ടുകാര് വിളിച്ച് വിവരം അറിയിച്ചതിനെ തുടര്ന്ന് വെള്ളമുണ്ട പൊലീസ് സ്ഥലത്തെത്തി ബലം പ്രയോഗിച്ചാണ് പോലീസ് സംഘം ബാലനെ കീഴടക്കിയത്.
Discussion about this post