തിരുവനന്തപുരം: തെരഞ്ഞെടുപ്പില് 80 വയസ്സിന് മുകളില് പ്രായമുള്ളവര്ക്ക് നല്കിയിരുന്ന തപാല് വോട്ട് സൗകര്യത്തില് മാറ്റം വരുത്തി. 85 വയസ്സിന് മുകളിലുള്ളവര്ക്കായിരിക്കും ഇനി മുതല് മുതല് ഈ സൗകര്യമെന്ന് ചീഫ് ഇലക്ടറല് ഓഫീസര് സഞ്ജയ് കൗള് പറഞ്ഞു.
കേന്ദ്ര നിയമ മന്ത്രാലയമാണ് ദേശീയ ഇലക്ഷന് കമ്മീഷന്റെ അഭിപ്രായം തേടിയ ശേഷം ഇത് സംബന്ധിച്ച ഉത്തരവ് പുറത്തിറക്കിയത്. വോട്ടര് പട്ടികയില് പേരുള്ള 85 വയസ്സിനു മുകളില് പ്രായമുള്ളവര്ക്ക് ഈ സൗകര്യം ഉപയോഗിക്കാം. ഇതിലൂടെ പ്രായാധിക്യം കൊണ്ടുള്ള ബുദ്ധിമുട്ടുള്ളവര്ക്ക് പോളിംഗ് കേന്ദ്രത്തില് പോകാതെ തന്നെ വോട്ട് ചെയ്യുന്നതിനുള്ള അവസരമാണ് ഒരുക്കുന്നത്.
ഇത്തരത്തില് വോട്ട് ചെയ്യേണ്ടവര് ബന്ധപ്പെട്ട നിയോജകമണ്ഡലത്തിലെ വരണാധികാരിക്ക് നിശ്ചിത ഫോമില് (ഫോം 12 ഡി) തിരഞ്ഞെടുപ്പ് വിജ്ഞാപനം വന്ന് അഞ്ചുദിവസത്തിനകം അപേക്ഷ നല്കണം.അപേക്ഷകള് പരിശോധിച്ചു വോട്ട് ചെയ്യുന്നവരുടെ പട്ടിക വരണാധികാരി തയ്യാറാക്കും.
അപേക്ഷകര്ക്ക് ബൂത്ത് ലെവല് ഓഫീസര്മാരില് നിന്ന് അപേക്ഷാഫോം വാങ്ങി പൂരിപ്പിച്ച് നല്കാം. പോളിംഗ് ഉദ്യോഗസ്ഥര് ഇവരെ സന്ദര്ശിച്ച് പോസ്റ്റല് ബാലറ്റ് നല്കും. വോട്ട് രേഖപ്പെടുത്തി നല്കുന്ന ബാലറ്റ് കൈപ്പറ്റി അധികൃതര്ക്ക് നല്കും.
Discussion about this post