രാജ്യം വനിത ദിനം ആഘോഷിക്കുമ്പോള് വനിത ക്രിക്കറ്റ് താരം മിതാലി രാജ് പങ്കുവെച്ച വീഡിയോ വൈറലാവുന്നു. സാരി ഉടുത്ത് ബാറ്റു ചെയ്യുന്ന വീഡിയോയാണ് മിതാലി രാജ് സോഷ്യല്മീഡിയയിലൂടെ പുറത്തുവിട്ടത്. വനിതാ ടി20 ലോകകപ്പ് ഫൈനലിലെത്തിയ ഇന്ത്യന് ടീമിന് ആശംസകളറിക്കുകയായിരുന്നു മിതാലി രാജ്.
ഇന്സ്റ്റഗ്രാമിലൂടെയാണ് മിതാലി രാജ് വീഡിയോ പങ്കുവെച്ചത്. നമുക്ക് ഇതും സാധ്യമാണെന്ന് ലോകത്തിന് കാണിച്ചുകൊടുക്കൂ.കിരീടം നാട്ടിലെത്തിക്കൂ… എന്ന് മിതാലി വീഡിയോക്ക് ഒടുവില് പറയുന്നു. സാരിയുടുത്ത് ക്രിക്കറ്റ് കളിക്കുന്ന മിതാലിയുടെ വീഡിയോ ക്രിക്കറ്റ് ആരാധകര് ഏറ്റെടുത്തിരിക്കുകയാണ്. നിരവധി പേരാണ് വീഡിയോയ്ക്ക് താഴെ കമന്റ് ചെയ്തത്.
2017 വനിതാ ലോകകപ്പ് ഫൈനലിലേക്ക് ഇന്ത്യയെ നയിച്ച താരമാണ് മിതാലി രാജ്. വനിതാ ക്രിക്കറ്റിലെ ഏക്കാലത്തേയും മികച്ച ബാറ്റ്സ്മാന്മാരില് ഒരാളായാണ് ഇന്ത്യയുടെ മിതാലി രാജിനെ കരുതുന്നത്. 20 വര്ഷത്തിലേറെ നീണ്ട കരിയറുള്ള ഒരേയൊരു വനിതാ ക്രിക്കറ്റ് താരം കൂടിയാണ് മിതാലി.
Discussion about this post