വളരെ എളുപ്പത്തില് പാകം ചെയ്യാന് സാധിക്കുന്ന ഒരു വിഭവമാണ് കബ്സ റൈസ്. കുട്ടികള്ക്കും മുതിര്ന്നവര്ക്കും വളരെ ഇഷ്ടപ്പെടുന്ന വിഭവമാണിത്.
ആവശ്യമായ സാധനങ്ങള്…
ബസ്മതി റൈസ് – 1 കിലോ
ഏലക്കായ – 6 എണ്ണം
ഗ്രാമ്പു – 6 എണ്ണം
പട്ട- 4 ചെറിയ കഷ്ണം
കുരുമുളക് – 1 ടേബിള് സ്പൂണ്
ഉണക്കനാരങ്ങ – 1 എണ്ണം
മഞ്ഞള്പ്പൊടി – അര ടീസ്പൂണ്
മല്ലി- അര ടീസ്പൂണ്
തക്കാളി – 2 എണ്ണം
പച്ചമുളക് – 5 എണ്ണം
ഇഞ്ചി, വെള്ളുള്ളി പേസ്റ്റ- 1 ടേബിള് സ്പൂണ്
സണ്ഫ്ലവര് ഓയില് – 4 ടേബിള് സ്പൂണ്
ഉപ്പ് പാകത്തിന്
കബ്സ മസാലയ്ക്കായി ആവശ്യമായ സാധനങ്ങള്
മല്ലി – 2 ടേബിള് സ്പൂണ്
പട്ട- 1 ടേബിള് സ്പൂണ്
ഗ്രാമ്പു – 1 ടേബിള് സ്പണ്
ഏലക്കാ – 1 ടേബിള് സ്പൂണ്
നല്ല ജീരകം – 1 ടേബിള് സ്പൂണ്
ഉണക്ക നാരങ്ങ പകുതി എല്ലാം ഒന്ന് വറുത്ത്, പൊടിച്ച് വായുകടയ്ക്കാതെ സൂക്ഷിക്കാവുന്നതാണ്.
കബ്സ റൈസ് തയ്യാറാക്കുന്ന വിധം
ചുവട് കട്ടിയുള്ള പാത്രത്തില് എണ്ണ ചൂടാക്കി പട്ട,ഗ്രാമ്പു,ഏലക്ക,മല്ലി പൊട്ടിച്ച് ഇഞ്ചി, വെളുത്തുള്ളി പേസ്റ്റ് എന്നിവ വഴറ്റുക. ശേഷം തക്കാളി പൂരിയും, മൂന്ന് പച്ചമുളകും ചതച്ചത്, കുരുമുളക് ചതച്ചതും, ഉപ്പും ചേര്ത്ത് നന്നായി വഴറ്റുക. ശേഷം മഞ്ഞള് പൊടി, കബ്സ മസാല പൊടി 2 ടീസ്പൂണ് ചേര്ത്ത് ഇളക്കുക. അരിക്ക് (രണ്ട് കപ്പാണേല് വെള്ളം 4 കപ്പ്) ഇരട്ടിയായി തിളച്ച വെള്ളം ഒഴിച്ച്, ഉണക്ക നാരങ്ങയും, അര മണിക്കൂര് കുതിര്ത്ത്, കഴുകി വാരിയ അരി ഇട്ട് ,ഉപ്പ് ആവശ്യമാണെങ്കില് ചേര്ത്ത് ഇളക്കി യോജിപ്പിച്ച് അടച്ച് വെച്ച് ചെറുതീയില് 8-10 മിനിട്ട് വരെ വേവിക്കുക. ഇടക്ക് ഇളക്കി കൊടുക്കണം. പാകത്തിന് വേവാകുന്നതിന് മുമ്പായി 2 പച്ചമുളകും ചേര്ത്ത്, ഒരു പാത്രത്തില് അല്പം എണ്ണ ഒഴിച്ച്, ചൂടാക്കിയ ചാര്ക്കോള് അതിലിട്ട് ,വേവായ ചോറിന് മുകളില് വെച്ച് 2-3 മിനിട്ട് അടച്ച് വെക്കുക. അടിപൊളി കബ്സ റൈസ് തയ്യാര്. ചിക്കന് ഗ്രില് ചെയ്തെടുത്തു, സലാഡിനൊപ്പം ചൂടോടെ വിളമ്പാവുന്നതാണ്.
Discussion about this post