കൊച്ചി: ട്രെയിനുകളില് വിതരണം ചെയ്യാന് തയ്യാറാക്കിയ, പഴകിയ ഭക്ഷണം ആരോഗ്യവിഭാഗം പിടികൂടി. ‘ബൃദ്ധാവന് ഫുഡ് പ്രൊഡക്ഷന്’ എന്ന പേരില് കടവന്ത്രയില് സ്വകാര്യവ്യക്തി നടത്തുന്ന സ്ഥാപനത്തിൽ തയ്യാറാക്കിയ ഭക്ഷണമാണ് പിടികൂടിയത്.
വന്ദേഭാരത് അടക്കമുള്ള ട്രെയിനുകളിൽ വിതരണം ചെയ്യാനായി വച്ച ഭക്ഷണമാണിത്. ആരോഗ്യവിഭാഗം പരിശോധനയ്ക്കെത്തിയപ്പോള് ഭക്ഷണം അടച്ചുവെയ്ക്കാതെ ഈച്ചയരിക്കുന്ന നിലയിലായിരുന്നു.
സ്ഥാപനത്തിൽ വൃത്തിഹീനമായി സാഹചര്യത്തില് ഭക്ഷണം സൂക്ഷിക്കുന്നു എന്ന പരാതിയിലാണ് കൊച്ചി കോര്പ്പറേഷന് ആരോഗ്യം വിഭാഗം പരിശോധനയ്ക്കെത്തിയത്.
വന്ദേഭാരതിന്റെ സ്റ്റിക്കര് പതിച്ച ഭക്ഷണ പൊതികളും ഇവിടെ നിന്നും കണ്ടെത്തി. ഈ സ്ഥാപനത്തിൽ നിന്നും തയ്യാറാക്കുന്ന ഭക്ഷണം കവറുകളിലാക്കിയാണ് ട്രെയിനുകളില് വിതരണം ചെയ്യുന്നത്.
മുട്ട, സാമ്പാര്, ചപ്പാത്തി അടക്കമുള്ള പഴകിയ ഭക്ഷണമാണ് കണ്ടെത്തിയത്. ദുര്ഗന്ധം കാരണം നില്ക്കാന് സാധിക്കാത്ത സാഹചര്യത്തിലാണ് ഭക്ഷണം തയ്യാറാക്കിയിരുന്നത്.
Discussion about this post