ശിവകാര്ത്തികേയനും നയന്താരയും ഒന്നിക്കുന്ന ഏറ്റവും പുതിയ ചിത്രം’മിസ്റ്റര് ലോക്കലിന്റെ ട്രെയിലര് പുറത്തിറങ്ങി.ഒരു മാസ് എന്റര്ടെയ്നറായി ഒരുക്കിയിരിക്കുന്ന ചിത്രം സംവിധാനം ചെയ്തിരിക്കുന്നത് എം രാജേഷാണ്. എം രാജേഷ് തന്നെയാണ് ചിത്രത്തിന് കഥ എഴുതിയിരിക്കുന്നത്.
‘വേലൈക്കാരന് എന്ന സൂപ്പര്ഹിറ്റ് ചിത്രത്തിന് ശേഷം ശിവകാര്ത്തികേയനും നയന്താരയും ഒന്നിക്കുന്ന ചിത്രമെന്ന പ്രത്യേകത കൂടിയുണ്ട് മിസ്റ്റര് ലോക്കലിന്. ചിത്രത്തില് കീര്ത്തി വാസുദേവന് എന്ന കഥാപാത്രത്തെയാണ് നയന്താര അവതരിപ്പിക്കുന്നത്. സതീഷ്, യോഗി ബാബു, രാധിക ശരത്കുമാര്, ഹരിജ തുടങ്ങി വലിയ താരനിരയാണ് ചിത്രത്തില് അണിനിരക്കുന്നത്.
ഹിപ് ഹോപ് തമിഴനാണ് ചിത്രത്തിന് സംഗീതം ഒരുക്കിയിരിക്കുന്നത്. ക്യാമറ ദിനേഷ് കൃഷ്ണനും എഡിറ്റിംഗ് വിവേക് ഹര്ഷനും നിര്വ്വഹിച്ചിരിക്കുന്നു. സ്റ്റുഡിയോ ഗ്രീനിന്റെ ബാനറില് കെഇ ജ്ഞാനവേല്രാജയാണ് ചിത്രം നിര്മിക്കുന്നത്.
രജനികാന്തിന്റെ സൂപ്പര്ഹിറ്റ് ചിത്രം മന്നന് എന്ന സിനിമ പ്രചോദനം ഉള്ക്കൊണ്ടാണ് മിസ്റ്റര് ലോക്കല് ഒരുക്കുന്നത്.
Discussion about this post