ലോകമെമ്പാടും ഒരുപോലെ ആരാധകരുള്ള ഹോളിവുഡ് താരമാണ് വില്‍ സ്മിത്ത്. ഇപ്പോള്‍ താരത്തിന്റെ പുതിയ ഫോട്ടോയാണ് സോഷ്യല്‍ മീഡിയയില്‍ വൈറലായിരിക്കുന്നത്. രുദ്രാക്ഷം കഴുത്തിലണിഞ്ഞ് കൈകള്‍ കൂപ്പി പ്രാര്‍ഥനാ നിര്‍ഭരനായിരിക്കുന്ന താരത്തിന്റെ ഫോട്ടോയാണ് സോഷ്യല്‍ മീഡിയയില്‍ വൈറലായിരിക്കുന്നത്.
ഫേസ്ബുക്ക് വാച്ച് ഷോയുടെ ചിത്രീകരണത്തിനായി ഹരിദ്വാറില്‍ എത്തിയപ്പോള്‍ എടുത്ത ചിത്രമാണ് വൈറലായിരിക്കുന്നത്. തന്റെ ഔദ്യോഗിക ഇന്‍സ്റ്റഗ്രാം പേജിലൂടെയാണ് വില്‍ സ്മിത്ത് ചിത്രം പങ്കുവെച്ചിരിക്കുന്നത്. ആരാധകര്‍ക്കിടയില്‍ ചിത്രത്തിന് വന്‍ സ്വീകാര്യതയാണ് ലഭിച്ചിരിക്കുന്നത്.
‘മുത്തശ്ശി എപ്പോഴും എന്നോട് പറയാറുണ്ട് ദൈവം അനുഭവങ്ങളിലൂടെയാണ് പാഠങ്ങള്‍ പഠിപ്പിക്കുന്നതെന്ന്. നിറങ്ങള്‍, പ്രക്യതി ഭംഗി, വ്യത്യസ്തരായ മനുഷ്യര്‍ ഇവയെല്ലാം സമ്പന്നമാക്കിയ ഇന്ത്യയിലൂടെയുള്ള യാത്ര എന്നിലെ കലാകാരനും ലോകസത്യങ്ങളിലേക്കും ഒരു പുതിയ വെളിച്ചമാണ് പകര്‍ന്നു നല്‍കിയത്’ എന്നാണ് താരം ഫോട്ടോ പങ്കുവെച്ച് കൊണ്ട് കുറിച്ചത്.
Discussion about this post