കൊച്ചി: ബലാത്സംഗ കേസില് നടന് നിവിന് പോളിക്ക് പങ്കില്ലെന്ന് കാണിച്ച് കോതമംഗലം ഊന്നുകല് പൊലീസ് കോടതിയില് റിപ്പോര്ട്ട് സമര്പ്പിച്ചു. കേസിലെ ആറാം പ്രതിയായ പ്രതിപ്പട്ടികയില് നിന്ന് ഒഴിവാക്കുകയാണെന്നും റിപ്പോര്ട്ടില് പറയുന്നു.
നിവിന് പോളി ആരോപിക്കപ്പെട്ട കുറ്റം ചെയ്തിട്ടില്ലെന്ന് കോതമംഗലം ജുഡീഷ്യല് ഫസ്റ്റ്ക്ലാസ് മജിസ്ട്രേറ്റ് കോടതിയില് സമര്പ്പിച്ച റിപ്പോര്ട്ടില് പറയുന്നു.
കുറ്റകൃത്യം ചെയ്തു എന്ന് ആരോപിക്കുന്ന ആരോപിക്കുന്ന ദിവസങ്ങളിലോ സമയത്തോ കൃത്യസ്ഥലത്തും സമയത്തും നിവിന് ഉണ്ടായിരുന്നില്ലെന്നും റിപ്പോര്ട്ടില് വ്യക്തമാക്കിയിട്ടുണ്ട്. അന്വേഷണ ഉദ്യോഗസ്ഥനായ എറണാകുളം റൂറല് ഡിവൈഎസ്പി ടി എം വര്ഗീസാണ് റിപ്പാര്ട്ട് നല്കിയത്.
നിവിന് പോളി ഉള്പ്പെടെ 6 പേര് സിനിമയില് അവസരം നല്കാമെന്നു വാദ്ഗാനം ചെയ്ത് കൂട്ടബലാത്സംഗം ചെയ്തുവെന്നായിരുന്നു കോതമംഗലം സ്വദേശിനിയായ യുവതിയുടെ പരാതി. ഹേമ കമ്മിറ്റി റിപ്പോര്ട്ട് പുറത്തു വന്നതിനു പിന്നാലെയുണ്ടായ വെളിപ്പെടുത്തലിന്റെ ഭാഗമായായിരുന്നു യുവതിയുടെയും ആരോപണം.
Discussion about this post