മോഹന്ലാലിന്റെ മലയാളത്തിലെ സൂപ്പര് ഹിറ്റ് ചിത്രങ്ങളായ ഇരുവര്, കാലാപാനി, പവിത്രം എന്നീ ചിത്രങ്ങള് നമ്മള് കണ്ടത് സന്തോഷ് ശിവന് എന്ന മാസ്റ്റര് സിനിമാട്ടോഗ്രാഫറുടെ കഴിവിലൂടെയാണ്. സിനിമാട്ടോഗ്രാഫര് എന്നതിലുപരി സംവിധായകന് കൂടിയാണ് സന്തോഷ് ശിവന്. ഇപ്പോഴിതാ മോഹന്ലാലിനെ നായകനാക്കി സന്തോഷ് ശിവന് ചിത്രം സംവിധാനം ചെയ്യാന് പോകുന്നുവെന്നാണ് റിപ്പോര്ട്ട്.
‘കലിയുഗം’ എന്നാണ് ചിത്രത്തിന്റെ പേര്. ഈ വര്ഷം ജൂണ് മാസത്തോടെ ചിത്രത്തിന്റെ ഷൂട്ടിംഗ് ആരംഭിക്കാന് സാധ്യതയുണ്ടെന്നാണ് റിപ്പോര്ട്ട്. ചിത്രം നിര്മ്മിക്കുന്നത് ശ്രീ ഗോകുലം മൂവീസിന്റെ ബാനറില് ഗോകുലം ഗോപാലന് ആണ്.
നിലവില് സന്തോഷ് ശിവന് മഞ്ജു വാര്യര്- കാളിദാസ് ജയറാം എന്നിവരെ വെച്ച് ജാക്ക് ആന്ഡ് ജില് എന്ന ചിത്രം സംവിധാനം ചെയ്യുകയാണ്. എആര് മുരുഗദോസ്- രജനികാന്ത് ചിത്രത്തിന്റെ ക്യാമറ കൈകാര്യം ചെയ്യുന്നത് സന്തോഷ് ശിവന് ആണ്.
Discussion about this post