പ്രമുഖ സിനിമാതാരങ്ങളായ ജയറാമിന്റേയും പാര്വതിയുടേയും മകനും നടനുമായ കാളിദാസ് ജയറാമും മോഡല് തരിണി കലിംഗരായരും വിവാഹിതരായി. ഗുരുവായൂര് ക്ഷേത്രത്തില് വെച്ചായിരുന്നു വിവാഹം.
ഇരുവരും ദീര്ഘകാലമായി സുഹൃത്തുക്കളായിരുന്നു. രാവിലെ 7.15നും എട്ടിനുമിടയിലെ മുഹൂര്ത്തത്തിലായിരുന്നു താലികെട്ട്. വിവാഹത്തില് മന്ത്രി മുഹമ്മദ് റിയാസ്, കേന്ദ്ര സഹമന്ത്രിയും നടനുമായ സുരേഷ് ഗോപി, മകന് ഗോകുല് സുരേഷ് തുടങ്ങി നിരവധി വിഐപികള് പങ്കെടുത്തു.
ചുവപ്പില് ഗോള്ഡന് ബോര്ഡര് വരുന്ന മുണ്ടും മേല്മുണ്ടുമായിരുന്നു കാളിദാസിന്റെ വേഷം. പഞ്ചകച്ചം സ്റ്റൈലിലായിരുന്നു മുണ്ടുടുത്തത്. പീച്ച് നിറത്തിലുള്ള സാരിയായിരുന്നു തരിണി ധരിച്ചിരുന്നത്. കഴിഞ്ഞ നവംബറില് ചെന്നൈയിലായിരുന്നു കാളിദാസിന്റേയും തരിണിയുടേയും വിവാഹനിശ്ചയം.
Discussion about this post