ആരാധകര് പ്രതീക്ഷയോടെ കാത്തിരിക്കുന്ന മോഹന്ലാലിന്റെ ബിഗ് ബജറ്റ് ചിത്രം മരക്കാര് അറബിക്കടലിന്റെ സിംഹം ഒടിടി റിലീസിന് ഒരുങ്ങുന്നു. ചിത്രത്തിന്റെ റിലീസുമായി ബന്ധപ്പെട്ട് ആമസോണുമായി ചര്ച്ച നടന്നുവെന്ന് നിര്മ്മാതാവ് ആന്റണി പെരുമ്പാവൂര് വ്യക്തമാക്കി. മുംബൈയില് ആമസോണ് പ്രതിനിധികള് മരക്കാര് സിനിമ കണ്ടുവെന്നാണ് സൂചന.
ചിത്രം ക്രിസ്മസ് റിലീസായി പ്രേക്ഷകരിലേക്ക് എത്തും. ഒരിടവേളക്ക് ശേഷം തിയറ്റര് തുറക്കുമ്പോള് 50 ശതമാനം സീറ്റില് മാത്രമാണ് പ്രവേശന അനുമതി. അതിനാല് തിയറ്ററില് റിലീസ് ചെയ്താല് ലാഭം ഉണ്ടാകില്ല എന്ന് കണക്കാക്കിയാണ് ഒടിടി റിലീസിന് ഒരുങ്ങുന്നത്. തുടക്കം മുതല് തീയേറ്റര് റിലീസിന് ഒരുങ്ങിയ ചിത്രമാണ് മരക്കാര്. എന്നാല് കൊവിഡിന്റെ പശ്ചാത്തലത്തില് റിലീസ് രണ്ട് തവണയായി മാറ്റി വെക്കുകയായിരുന്നു.
മോഹന്ലാലിനെ കേന്ദ്ര കഥാപാത്രമാക്കി പ്രിയദര്ശന് സംവിധാനം ചെയ്ത ചിത്രത്തിന്റെ ബജറ്റ് 100 കോടിയാണ്. തന്റെ ജീവിത്തിലെ ഏറ്റവും ചിലവേറിയ സിനിമയാണിതെന്ന് സംവിധായകന് പ്രിയദര്ശന് പറഞ്ഞിരുന്നു. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂര്, സന്തോഷ് ടി കുരുവിള, റോയ് സി ജെ എന്നിവരാണ് ചിത്രം നിര്മ്മിക്കുന്നത്.
മലയാളത്തിന് പുറമെ ഹിന്ദി, തമിഴ് തെലുങ്ക്, കന്നട എന്നീ ഭാഷകളിലും ചിത്രം റിലീസ് ചെയ്യും. മഞ്ജു വാര്യര്, സുനില് ഷെട്ടി, പ്രഭു, കീര്ത്തി സുരേഷ് എന്നിവരാണ് ചിത്രത്തിലെ മറ്റ പ്രധാന കഥാപാത്രങ്ങള്. അനില് ശശിയും പ്രിയദര്ശനും ചേര്ന്നാണ് ചിത്രത്തിന്റെ തിരക്കഥ നിര്വ്വഹിച്ചിരിക്കുന്നത്. തമിഴ് സിനിമ ഛായാഗ്രാഹകനായ തിരുനാവകാരസുവാണ് ചിത്രത്തിന്റെ ക്യാമറ ചെയ്തിരിക്കുന്നത്.
Sunday, January 18, 2026
‘മരക്കാര്’ ഒടിടി റിലീസിന്: ക്രിസ്മസിന് പ്രേക്ഷകരിലേക്ക്
Related Posts
RECOMMENDED NEWS
Bignewslive.com is a portal dedicated for providing both information and entertainment for people around the globe, especially Malayalees.
Discussion about this post