‘നെയ്യാറ്റിന്കര ഗോപന്റെ ആറാട്ട്’ ചിത്രത്തിന്റെ ലൊക്കേഷനിലെത്തിയ സന്തോഷം പങ്കുവെച്ച് നടി ശ്രദ്ധ ശ്രീനാഥ്. മോഹന്ലാലുമായുള്ള ആദ്യ സംഭാഷണത്തെ കുറിച്ചാണ് ശ്രദ്ധ സോഷ്യല് മീഡിയയില് കുറിച്ചിരിക്കുന്നത്.
‘ഇന്ന് ആറാട്ടിന്റെ സെറ്റില് ജോയിന് ചെയ്തു. ടീമിനെ മുഴുവന് കണ്ടു. കുടുംബത്തിലേക്ക് സ്വാഗതം എന്നായിരുന്നു മോഹന്ലാല് സാറിന്റെ ആദ്യ വാക്കുകള്, എന്റെ ദിനം ധന്യമാക്കി’ എന്നാണ് ശ്രദ്ധ ട്വീറ്ററില് കുറിച്ചിരിക്കുന്നത്. ചിത്രത്തില് ഐഎഎസ് ഓഫീസറുടെ വേഷത്തിലാണ് ശ്രദ്ധ എത്തുന്നത്.
കോഹിനൂര് എന്ന മലയാള ചിത്രത്തിലൂടെ അഭിനയരംഗത്തേക്ക് എത്തിയ താരം അഞ്ച് വര്ഷങ്ങള്ക്ക് ശേഷമാണ് വീണ്ടും മലയാളത്തിലേക്ക് എത്തുന്നത്. ലോക്ഡൗണിന് ശേഷം ശ്രദ്ധ വേഷമിടുന്ന ആദ്യ ചിത്രം കൂടിയാണിത്.
ബി ഉണ്ണികൃഷ്ണന് സംവിധാനം ചെയ്യുന്ന ചിത്രത്തിന്റെ ചിത്രീകരണം നവംബര് 23നാണ് ആരംഭിച്ചത്. നെടുമുടി വേണു, സായ് കുമാര്, വിജയരാഘവന്, സിദ്ദിഖ്, ജോണി ആന്റണി, ഇന്ദ്രന്സ്, ഷീല, സ്വാസിക, രചന നാരയണന്കുട്ടി, മാളവിക തുടങ്ങിയവരാണ് ചിത്രത്തിലെ മറ്റ് പ്രധാന താരങ്ങള്.
സ്വന്തം ദേശമായ നെയ്യാറ്റിന്കരയില് നിന്ന് പാലക്കാട്ടെ ഒരു ഗ്രാമത്തിലേക്ക് പ്രത്യേക ലക്ഷ്യത്തോടെ ഗോപന് എത്തുന്നതും പിന്നീട് നടക്കുന്ന സംഭവങ്ങളുമാണ് ചിത്രത്തിന്റെ പ്രമേയം. പുലിമുരുകന് ശേഷം മോഹന്ലാലിനു വേണ്ടി ഉദയകൃഷ്ണ തിരക്കഥ ഒരുക്കുന്ന ചിത്രം കൂടിയാണിത്.
Joined the sets of 'Aaraattu' today. Met the whole team. @Mohanlal sir's first words to me were, "Welcome to the family". My day = made.
— Shraddha Srinath (@ShraddhaSrinath) November 24, 2020
Discussion about this post