തമിഴകത്തിന്റെ ലേഡീ സൂപ്പര് സ്റ്റാര് നയന്താരയുടെ ‘മൂക്കുത്തി അമ്മനും’ ഓണ്ലൈനില് റിലീസിന് ഒരുങ്ങുന്നുവെന്ന് റിപ്പോര്ട്ടുകള്. അതേസമയം ഈ ചിത്രത്തിന്റെ റിലീസ് അവകാശങ്ങള് സണ് ടിവി ചാനല് വാങ്ങിയതായും ചാനലില് ചിത്രം റിലീസ് ചെയ്തേക്കാമെന്നും റിപ്പോര്ട്ടുകളുണ്ട്.
ചിത്രത്തില് മൂക്കുത്തി അമ്മന് എന്ന ദേവി കഥാപാത്രമായാണ് നയന്താര എത്തുന്നത്. ബാലാജി ആണ് ചിത്രത്തിലെ മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. ബാലാജി അവതരിപ്പിക്കുന്ന കഥാപാത്രത്തിന്റെ പ്രശ്നങ്ങള് നിറഞ്ഞ ജീവിതത്തിലേക്ക് ദേവി മൂക്കുത്തി അമ്മന് കടന്നു വരുന്നതോടെയുള്ള സംഭവ വികാസങ്ങളാണ് ചിത്രത്തിന്റെ ഇതിവൃത്തം. മൗലി, ഉര്വശി, സ്മൃതി വെങ്കട്ട്, അജയ് ഘോഷ് എന്നിവരാണ് ചിത്രത്തിലെ മറ്റ് താരങ്ങള്.
ആര്ജെ ബാലാജിയും എന്ജെ ശരവണനും ചേര്ന്നാണ് ചിത്രം സംവിധാനം ചെയ്തിരിക്കുന്നത്. ബാലാജിയും ശരവണനും ചേര്ന്നാണ് ചിത്രത്തിന് തിരക്കഥയും ഒരുക്കിയിരിക്കുന്നത്.
Discussion about this post