മമ്മൂട്ടിയെ നായകനാക്കി ജയരാജ് സംവിധാനം ചെയ്ത ചിത്രമാണ് ‘ജോണിവാക്കര്’. 1992 ല് റിലീസ് ചെയ്ത ചിത്രം മമ്മൂട്ടിയുടെ എക്കാലത്തെയും സൂപ്പര്ഹിറ്റ് ചിത്രങ്ങളിലൊന്നാണ്. ചിത്രത്തില് പ്രേക്ഷക ശ്രദ്ധ നേടിയ മറ്റൊരു കഥാപാത്രമാണ് ജോണി വര്ഗ്ഗീസ് എന്ന മമ്മൂട്ടിയുടെ കഥാപാത്രത്തിന്റെ സന്തത സഹചാരിയായ കുട്ടപ്പായി. ജോണി ഇവിടെ ജീവിക്കുന്നു എന്ന ബോര്ഡ് എസ്റ്റേറ്റിന് പുറത്ത് തൂക്കിക്കൊണ്ട് നിറകണ്ണുകളോടെ നില്ക്കുന്ന കുട്ടപ്പായിയില് ആണ് ജോണി വാക്കറിന്റെ ക്ലൈമാക്സ്.
വര്ഷങ്ങള്ക്ക് ശേഷം വീണ്ടും കുട്ടപ്പായി സോഷ്യല് മീഡിയിയല് ചര്ച്ചയായിരിക്കുകയാണ്. ഫേസ്ബുക്ക് കൂട്ടായ്മയായ മലയാളം മൂവി ആന്ഡ് മ്യൂസിക് ഡാറ്റാബേസിലാണ് ജോണിവാക്കറിലെ കുട്ടപ്പായി ഇപ്പോഴെവിടെയാണെന്ന ചര്ച്ച ഉയര്ന്നത്. ആ കഥാപാത്രം ചെയ്ത നടന് ആരാണെന്നും ഇപ്പോള് അദ്ദേഹം എവിടെയാണെന്നുമായിരുന്നു അന്വേഷണങ്ങള്. ഒടുവില് ജോണിച്ചായന്റെ കുട്ടപ്പായിയെ സോഷ്യല് മീഡിയയിലൂടെ തന്നെ കണ്ടെത്തുകയും ചെയ്തു.
തമിഴ്നാട് സ്വദേശിയായ നീലകണ്ഠന് നടരാജനാണ് ചിത്രത്തില് കുട്ടപ്പായുടെ വേഷത്തില് എത്തിയത്. അദ്ദേഹം ഇപ്പോള് ജപ്പാനില് ഡാന്സ് മാസ്റ്ററായി ജോലി ചെയ്യുകയാണ്. 1991ല് മലയാള സിനിമയില് അഭിനയിച്ച കാര്യം നീലകണ്ഠനും ഫേസ്ബുക്കിലൂടെ പങ്കുവച്ചിരുന്നു. അതേസമയം കുട്ടപ്പായി എന്ന കഥാപാത്രത്തെ ആസ്പദമാക്കി ജോണി വാക്കറിന് രണ്ടാം ഭാഗം ഒരുക്കുമെന്ന് ജയരാജ് ഒരു അഭിമുഖത്തില് പറഞ്ഞിരുന്നു.
Discussion about this post