ഫഹദ് ഫാസില് നായകനായി എത്തുന്ന ഏറ്റവും പുതിയ ചിത്രമാണ് ‘മാലിക്’. ചിത്രത്തിന്റെ രണ്ടാമത്തെ പോസ്റ്റര് അണിയറപ്രവര്ത്തകര് പുറത്തുവിട്ടു. അമ്പത് കഴിഞ്ഞ സുലൈന്മാന് എന്ന കഥാപാത്രത്തെയാണ് ഫഹദ് ചിത്രത്തില് അവതരിപ്പിക്കുന്നത്. മഹേഷ് നാരായണനാണ് ചിത്രത്തിന്റെ സംവിധായകന്.
അല്ഫോണ്സ് പുത്രന്, രമേഷ് പിഷാരടി, സത്യന് അന്തിക്കാട് എന്നിവര് ചിത്രത്തിന്റെ പോസ്റ്റര് ഫേസ്ബുക്കില് പങ്കുവെച്ചിട്ടുണ്ട്. ‘ഫഹദും മഹേഷ് നാരായണനും, ഈ രണ്ടു കാരണങ്ങള് മതി മാലികിനായി കാത്തിരിക്കാന്’ എന്നാണ് ചിത്രം പങ്കുവെച്ച് സത്യന് അന്തിക്കാട് ഫേസ്ബുക്കില് കുറിച്ചത്.
തീരദേശജനതയുടെ നായകനായിട്ടാണ് ഫഹദ് ചിത്രത്തില് എത്തുന്നത്. സുലൈമാന്റെ ഇരുപതു വയസുമുതല് അന്പത്തിയഞ്ചു വയസുവരെയുള്ള കാലഘട്ടം ചിത്രത്തില് കാണിക്കുന്നുണ്ട്. ചിത്രത്തിനായി താരം ഗംഭീര മേക്ക് ഓവര് നടത്തിയിരുന്നു. 20 കിലോയോളം ഭാരമാണ് താരം ചിത്രത്തിലെ കഥാപാത്രത്തിനായി കുറച്ചത്. ജോജു ജോര്ജ്, ദിലീഷ് പോത്തന്, വിനയ് ഫോര്ട്ട്, നിമിഷ സജയന് എന്നിവരാണ് ചിത്രത്തിലെ മറ്റ് പ്രധാന താരങ്ങള്. ആന്റോ ജോസഫ് ഫിലിം കമ്പനിയുടെ ബാനറില് ആന്റോ ജോസഫ് ആണ് ചിത്രം നിര്മ്മിക്കുന്നത്. ഏപ്രില് ആദ്യ വാരം ചിത്രം തീയ്യേറ്ററുകളില് എത്തുമെന്നാണ് റിപ്പോര്ട്ട്.
Discussion about this post