പല സൂപ്പര്ഹിറ്റ് ഗാനങ്ങളുടെയും കവര് വേര്ഷനുകളും ഇന്ന് ആരാധകരുടെ മനസ്സില് ഇടംനേടിയിട്ടുണ്ട്. പലരും യഥാര്ത്ഥ ഗാനത്തേക്കാള് കവര് വേര്ഷനുകളെയും ഇഷ്ടപ്പെടുന്നു. അത്തരത്തില് കവര് വേര്ഷനുകളിലൂടെ ശ്രദ്ധേയനായ പാട്ടുകാരനാണ് ഹരീഷ് ശിവരാമകൃഷ്ണന്. അദ്ദേഹത്തിന്റെ ഒരു സെല്ഫ് ട്രോളാണ് ഫേസ്ബുക്കില് ചിരിപടര്ത്തുന്നത്.
‘ഏതു പാട്ടും വിശ്വസ്തതയോടെ വലിച്ചു നീട്ടി പൊതിഞ്ഞു കൊടുക്കപ്പെടും. മനസ്സില് പതിഞ്ഞ പഴയ ഗാനം ആണെങ്കില് തികച്ചും സൗജന്യമായി. ബന്ധപ്പെടുക : എലാസ്ടിക്ക് ഏട്ടന് , ഷോറണൂര് .’ എന്നായിരുന്നു അദ്ദേഹത്തിന്റെ പോസ്റ്റ്.
മലയാളത്തിലെ സൂപ്പര്ഹിറ്റ് ഗാനങ്ങളെല്ലാം വലിച്ചുനീട്ടി നശിപ്പിക്കുകയാണ് എന്ന് ഹരീഷിനെതിരെ ആരോപണം ഉയര്ന്നിരുന്നു. ഇതിന് വിമര്ശകര്ക്ക് രസകരമായി മറുപടി നല്കുകയായിരുന്നു താരം. രാത്തിങ്കള് പൂത്താലി ചാര്ത്തി, മലര്കളെ തുടങ്ങിയ പാട്ടുകള് അദ്ദേഹം അതിമനോഹരമായി ആലപിച്ചിട്ടുണ്ട്.
Discussion about this post