പോലീസ് ത്രില്ലറുമായി രാജീവ് രവി എത്തുന്നു. ‘കുറ്റവും ശിക്ഷയും’ എന്നാണ് ചിത്രത്തിന്റെ പേര്. ആസിഫ് അലിയാണ് ചിത്രത്തിലെ നായകന്‍. ജനുവരി 26ന് ചിത്രത്തിന്റെ ചിത്രീകരണം ആരംഭിക്കും. രണ്ട് ഘട്ടങ്ങളിലായി കേരളത്തിലും രാജസ്ഥാനിലുമായാണ് ചിത്രത്തിന്റെ ചിത്രീകരണം നടക്കുക. ഫെബ്രുവരി അവസാനത്തോടെ ചിത്രീകരണം പൂര്‍ത്തിയാക്കാനാണ് തീരുമാനം.
സണ്ണിവെയ്ന്‍, അലന്‍സിയര്‍, ഷറഫുദ്ദീന്‍, സെന്തില്‍ എന്നിവരാണ് ചിത്രത്തിലെ മറ്റ് താരങ്ങള്‍.
‘തൊണ്ടിമുതലും ദൃക്‌സാക്ഷിയും’ എന്ന ചിത്രത്തിലൂടെ പ്രശസ്തനായ സിബി തോമസാണ് ഈ ചിത്രത്തിന് കഥ ഒരുക്കുന്നത്. ശ്രീജിത്ത് ദിവാകരനും സിബിതോമസും ചേര്‍ന്നാണ് ചിത്രത്തിന് തിരക്കഥ ഒരുക്കുന്നത്. ഫിലിംറോള്‍ പ്രൊഡക്ഷന്‍സിന്റെ ബാനറില്‍ വിആര്‍ അരുണ്‍കുമാര്‍ ചിത്രം നിര്‍മ്മിക്കുന്നത്.
നിവിന്‍ പോളിയെ നായകനാക്കി ഒരുക്കുന്ന ‘തുറമുഖം’ എന്ന ചിത്രത്തിന്റെ പോസ്റ്റ് പ്രൊഡക്ഷന്‍ വര്‍ക്കിലാണ് രാജീവ് രവി ഇപ്പോള്‍. പിരീഡ് സ്റ്റോറിയായ ഈ ബിഗ് ബജറ്റ് ചിത്രം അടുത്ത് തന്നെ തീയ്യേറ്ററുകളില്‍ എത്തുമെന്നാണ് റിപ്പോര്‍ട്ട്.
Discussion about this post