മലയാളികളുടെ പ്രിയതാരമാണ് നടി ഭാവന. സമൂഹമാധ്യമങ്ങളില്‍ നിറഞ്ഞു നില്‍ക്കുന്ന താരം ഇപ്പോള്‍ മൃഗങ്ങളോടുള്ള ക്രൂരതയ്‌ക്കെതിരെ ശബ്ദമുയര്‍ത്തി രംഗത്ത് വന്നിരിക്കുകയാണ്. മുയലുകള്‍ക്ക് തീറ്റ കൊടുത്താണ് ക്രൂരത അവസാനിപ്പിക്കണമെന്ന ആശയവുമായി രംഗത്ത് വന്നത്. ഇന്‍സ്റ്റഗ്രാമിലാണ് താരം ക്രൂരതകള്‍ക്കെതിരെ രംഗത്ത് വന്നത്.
മുയലുകള്‍ക്ക് തീറ്റ കൊടുക്കുന്ന ഒരു ചിത്രവും താരം പങ്കുവെച്ചിട്ടുണ്ട്. കഴിഞ്ഞ ദിവസമാണ് രണ്ടാഴ്ചയോളം ഭക്ഷണം കൊടുക്കാതെ ഒരു നായ ദാരുണമായി ചത്ത വാര്‍ത്ത എത്തിയത്. മനുഷ്യ മനസാക്ഷിയെ ഞെട്ടിക്കുന്ന സംഭവം തൃശ്ശൂരിലാണ് നടന്നത്.
രണ്ടാഴ്ചയാണ് നായ പട്ടിണി കിടന്നത്. സഹായ ഹസ്തങ്ങള്‍ എത്തിയപ്പോഴേയ്ക്കും ആ നായയ്ക്ക് ജീവന്‍ നഷ്ടപ്പെട്ടിരുന്നു. ഈ സംഭവം ഹൃദയഭേദകം ആണെന്നാണ് താരം പ്രതികരിച്ചത്. കൂടാതെ അവയെ സ്‌നേഹിക്കാന്‍ കഴിയുന്നില്ലെങ്കില്‍ കൂടി അവരോട് ക്രൂരത കാട്ടരുതെന്നും ഭാവന പറയുന്നു.
Discussion about this post