തൃശ്ശൂര്; ജയ് ശ്രീറാം വിഷയത്തില് സംവിധായകന് അടൂര് ഗോപാലകൃഷ്ണനെ ബിജെപി നേതാവ് ബി ഗോപാലകൃഷ്ണന് ഭീഷണിപ്പെടുത്തിയതിനെതിരെ വിമര്ശനവുമായി മുഖ്യമന്ത്രി പിണറായി വിജയന്. വിഖ്യാത ചലച്ചിത്ര സംവിധായകനും സംസ്കാരിക നായകനുമായ അടൂര് ഗോപാലകൃഷ്ണനെതിരായ സംഘപരിവാര് ഭീഷണി പ്രതിഷേധാര്ഹവും അപലപനീയവുമാണെന്ന് മുഖ്യമന്ത്രി പറഞ്ഞു.
വിയോജനാഭിപ്രായമുള്ളവരെ നാട്ടില് നിന്ന് പുറത്താക്കാമെന്ന ധാരണ ആര്ക്കും വേണ്ട. ആ വഴിക്കുള്ള നീക്കങ്ങള് ഇവിടെ അനുവദിക്കുന്ന പ്രശ്നമേയില്ലെന്നും മുഖ്യമന്ത്രി കൂട്ടിച്ചേര്ത്തു. ഫേസ്ബുക്കിലൂടെയായിരുന്നു മുഖ്യമന്ത്രി ഇക്കാര്യം വ്യക്തമാക്കിയത്.
ഫേസ്ബുക്ക് പോസ്റ്റ്;
“വിഖ്യാത ചലച്ചിത്ര സംവിധായകനും സംസ്കാരിക നായകനുമായ അടൂര് ഗോപാലകൃഷ്ണനെതിരായ സംഘപരിവാര് ഭീഷണി പ്രതിഷേധാര്ഹവും അപലപനീയവുമാണ്.
വിയോജനാഭിപ്രായമുള്ളവരെ നാട്ടില് നിന്ന് പുറത്താക്കാമെന്ന ധാരണ ആര്ക്കും വേണ്ട. ആ വഴിക്കുള്ള നീക്കങ്ങള് ഇവിടെ അനുവദിക്കുന്ന പ്രശ്നമേയില്ല. കേരളത്തിന്റെ യശസ്സ് സാര്വ്വദേശീയ തലത്തില് ഉയര്ത്തിയ ചലച്ചിത്രകാരനാണ് അടൂര് ഗോപാലകൃഷ്ണന്. അങ്ങനെയുള്ള ഒരു വ്യക്തിക്കെതിരെ അസഹിഷ്ണുതയോടെയുള്ള നീക്കമുണ്ടാകുമ്പോള് അതിനെ സാംസ്കാരിക സമൂഹം അതിശക്തമായി ചെറുക്കേണ്ടതുണ്ട് – പ്രതിഷേധിക്കേണ്ടതുണ്ട്.”
Discussion about this post