തിരുവനന്തപുരം: ഓണ്ലൈനിലൂടെ വാങ്ങിയ ദം ബിരിയാണിയില് പുഴു. ഇതേ തുടര്ന്ന് തിരുവനന്തപുരത്ത് ഒരു ഹോട്ടല് കൂടി ഭക്ഷ്യ സുരക്ഷാ വകുപ്പ് പൂട്ടിച്ചു. കവടിയാറിയിലെ ലാമിയ ഹോട്ടലാണ് അധികൃതര് പൂട്ടിച്ചത്.
യൂബര് ഈറ്റ്സിലൂടെ വാങ്ങിയ ദം ബിരിയാണിയില് ആണ് പുഴുവിനെ കണ്ടെത്തിയത്. തുടര്ന്ന് ഭക്ഷ്യസുരക്ഷാ ഉദ്യോഗസ്ഥര്ക്ക് പരാതി നല്കുകയായിരുന്നു. അധികൃതര് ഹോട്ടലില് നടത്തിയ പരിശോധനയെ തുടര്ന്നാണ് ഹോട്ടല് പൂട്ടാന് ഉത്തരവിട്ടത്.
ഭക്ഷ്യ സുരക്ഷാ വകുപ്പ് ഉദ്യോഗസ്ഥര് ഹോട്ടലില് നടത്തിയ പരിശോധനയില് പഴകിയ ഭക്ഷണവും പിടിച്ചെടുത്തു. ഇതിനു പുറമെ വൃത്തിഹീനമായ സാഹചര്യത്തിലാണ് ഹോട്ടലിന്റെ പ്രവര്ത്തനമെന്നും കണ്ടെത്തിയിട്ടുണ്ട്. പാചകം ചെയ്തതും അല്ലാത്തതുമായ മാംസം ഒരേ ഫ്രീസറില് സൂക്ഷിച്ചിരിക്കുന്നതായും പാചകം ചെയ്ത ഇറച്ചി പാത്രങ്ങള് കഴുകുന്ന വാഷ് ബേസിന് അടിയില് സൂക്ഷിച്ചിരിക്കുന്നതായും കണ്ടെത്തിയിരുന്നു.
കഴിഞ്ഞ കുറച്ചു ദിവസങ്ങളിലായി തിരുവനന്തപുരം നഗരത്തില് ഭക്ഷ്യസുരക്ഷാ ഉദ്യോഗസ്ഥര്ക്ക് നടത്തിയ പരിശോധനയില് നിരവധി ഹോട്ടലുകള്ക്കെതിരെ കോര്പറേഷന് നടപടിയെടുത്തിരുന്നു.
Discussion about this post