ബാഹുബലി എന്ന ബ്രഹ്മാണ്ഡ ചിത്രത്തിലൂടെ ലോകമെമ്പാടുമുള്ള പ്രേക്ഷകരുടെ ഹൃദയം കവര്‍ന്ന താരമാണ് പ്രഭാസ്. ബാഹുബലിക്ക് ശേഷം പ്രഭാസ് നായകനായി എത്തുന്ന ‘സാഹോ’യുടെ പുതിയ ടീസര്‍ അണിയറപ്രവര്‍ത്തകര്‍ പുറത്തുവിട്ടു. കിടിലന്‍ ആക്ഷന്‍ രംഗങ്ങളുള്ള ടീസറാണ് പുറത്ത് വിട്ടിരിക്കുന്നത്.
ചിത്രത്തിലെ ആക്ഷന്‍ രംഗത്തിന് വേണ്ടി 37 കാറുകളാണ് തകര്‍ത്തതെന്നാണ് റിപ്പോര്‍ട്ട്. കെന്നി ബേറ്റ്‌സ് ആണ് ആക്ഷന്‍ കൊറിയോഗ്രാഫര്‍. ആക്ഷന്‍ രംഗങ്ങള്‍ക്ക് വേണ്ടി 90 കോടി രൂപയാണ് ചെലവിട്ടതെന്നാണ് റിപ്പോര്‍ട്ടുകള്‍. ചിത്രത്തിലെ സംഘട്ടന രംഗങ്ങളുടെ ‘ബിഹൈന്‍ഡ് ദ സീന്‍’ വീഡിയോ നേരത്തെ അണിയറപ്രവര്‍ത്തകര്‍ പുറത്തുവിട്ടിരുന്നു.
സുജീത് റെഡ്ഡിയാണ് ചിത്രം സംവിധാനം ചെയ്തിരിക്കുന്നത്. ബോളിവുഡ് താരം ശ്രദ്ധ കപൂറാണ് ചിത്രത്തിലെ നായിക. മലയാളി താരം ലാലും ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.
യുവി ക്രിയേഷന്‍സിന്റെ ബാനറില്‍ വംശി കൃഷ്ണ റെഡ്ഡി, പ്രമോദ് ഉപ്പലപ്പട്ടി, ബുഷന്‍ കുമാര്‍ എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. ഓഗസ്റ്റ് 15ന് ചിത്രം തീയ്യേറ്ററുകളിലെത്തും.
Discussion about this post