കൊല്ലം: നടന് കൊല്ലം തുളസി കീഴടങ്ങി. ശബരിമല യുവതി പ്രവേശനവുമായി ബന്ധപ്പെട്ട പരിപാടിയില് സ്ത്രീകളെ അധിഷേപിക്കുന്ന തരത്തില് പരാമര്ഷം ഉയര്ത്തിയ കേസിലാണ് കൊല്ലം തുളസി ചവറ സിഐ ഓഫീസില് കീഴടങ്ങിയത്.
ഒക്ടോബര് 12 ന് ചവറയില് ബിജെപി സംഘടിപ്പിച്ച വിശ്വാസ സംരക്ഷണ ജാഥയില് പ്രസംഗിക്കവെ ആണ് വിവാദ പരാമര്ശം ഉയര്ത്തിയത്. ശബരിമലയില് പോകുന്ന യുവതികളെ രണ്ടായി വലിച്ച് കീറണമെന്നും ഒരു ഭാഗം ഡല്ഹിയിലേക്കും മറ്റൊരുഭാഗം പിണറായി വിജയന്റെ മുറിയിലേക്കും എറിയണമെന്നായിരുന്നു പ്രസംഗം. മാത്രമല്ല വിധി പ്രസ്താവിച്ച ജഡ്ജിമാര് ശുംഭന്മാരാണെന്നും പ്രസംഗത്തില് വിമര്ശിച്ചിരുന്നു. കേസില് നേരത്തെ മുന്കൂര് ജാമ്യം സമര്പ്പിച്ചെങ്കിലും ഹൈക്കോടതി തള്ളിയിരുന്നു.
ഡിവൈഎഫ്ഐ പ്രവര്ത്തകന് നല്കിയ ഹര്ജിയിലാണ് ചവറ പോലീസ് കേസ് എടുത്തത്. പ്രസംഗത്തിനെതിരെ വനിത കമ്മീഷന് സ്വമേധയാ കേസ് എടുത്തിരുന്നു.
Discussion about this post