തെന്നിന്ത്യന് താരം ആര്യ വിവാഹിതനാകുന്നുവെന്ന വാര്ത്തയാണ് ഇപ്പോള് തമിഴ് സിനിമാ ലോകത്ത് നിന്ന് വരുന്നത്. ഗജനികാന്ത് എന്ന ചിത്രത്തില് ആര്യയുടെ നായികയായി എത്തിയ സയേഷയാണ് ആര്യയുടെ വധുവെന്നാണ് റിപ്പോര്ട്ട്.
ഇരുവരും പ്രണയത്തിലാണെന്ന വാര്ത്ത നേരത്തെ വാര്ത്തകര് വന്നിരുന്നു. എന്നാല് ഇരുവരും ഇത് നിഷേധിച്ചിരുന്നു. എന്നാലിപ്പോള് ഇവരുടെ വിവാഹം ഉടന് തന്നെ കാണുമെന്നാണ് ഇവരോടടുത്ത വൃത്തങ്ങള് വ്യക്തമാക്കുന്നതെന്ന് പ്രമുഖ തമിഴ് മാധ്യമങ്ങള് റിപ്പോര്ട്ട് ചെയ്തിട്ടുണ്ട്. ഹൈദരാബാദില് വെച്ച് മാര്ച്ചിലാകും താര മാംഗല്യം എന്നാണ് റിപ്പോര്ട്ട്. വിവാഹ തീയതിയടക്കമുള്ള കാര്യങ്ങള് താരങ്ങള് തന്നെ ഔദ്യോഗികമായി അറിയിക്കുമെന്നും സൂചനയുണ്ട്.
അതേസമയം തന്നെ വധുവിനെ കണ്ടെത്താനായി ആര്യ നടത്തിയ റിയാലിറ്റി ഷോയുമായി ബന്ധപ്പെട്ട വിവാദം വിവാഹ വാര്ത്തയോടെ വീണ്ടും സജീവമായിട്ടുണ്ട്. റിയാലിറ്റി ഷോയില് വിജയിച്ച പെണ്കുട്ടിയെ വിവാഹം കഴിക്കാതെ താര സുന്ദരിയെ കല്യാണം കഴിക്കുന്നതിരെ സോഷ്യല് മീഡിയയില് വന് വിമര്ശനമാണ് ഉയര്ന്നു വന്നിരിക്കുന്നത്.
Discussion about this post