കൊച്ചി:രാഹുല് മാങ്കൂട്ടത്തില് എംഎല്എ ബലാത്സംഗ കേസില് നല്കിയ മുന്കൂര് ജാമ്യഹര്ജി പരിഗണിക്കുന്നത് ഹൈക്കോടതി മാറ്റി. ഹര്ജി പരിഗണിക്കുന്നത് വരെ അറസ്റ്റ് തടഞ്ഞ നടപടിയും തുടരും.
ഡിസംബര് 18 ലേക്ക് ആണ് മാറ്റിയത്. രാഹുലിന് എതിരെ രജിസ്റ്റര് ചെയ്ത ഒന്നാമത്തെ കേസിലെ മുന്കൂര് ജാമ്യഹര്ജിയാണ് മാറ്റിയത്.രണ്ടാമത്തെ ബലാത്സംഗ കേസില് മുന്കൂര് ജാമ്യം നല്കിയ സെഷന്സ് കോടതി നടപടിക്കെതിരെ സര്ക്കാര് സമർപ്പിച്ച അപ്പീല് ഹൈക്കോടതി ക്രിസ്മസ് അവധിക്ക് ശേഷം പരിഗണിക്കും.
മറുപടി നല്കാന് സമയം വേണമെന്ന രാഹുല് മാങ്കൂട്ടത്തിലിന്റെ അഭിഭാഷകന് ആവശ്യം അംഗീകരിച്ചാണ് സിംഗിള് ബെഞ്ചിന്റെ നടപടി.
Discussion about this post