തിരുവനന്തപുരം: പാലക്കാട് എംഎല്എ രാഹുല് മാങ്കൂട്ടത്തിലിന് എതിരെ കേസ്. സ്ത്രീകളോട് മോശമായി പെരുമാറിയെന്ന് ആരോപണം നേരിടുന്നതിനിടെയാണ് കേസ്.
സ്ത്രീകളെ ശല്യം ചെയ്തത് ഉള്പ്പെടെയുള്ള വകുപ്പുകള് പ്രകാരം ക്രൈം ബ്രാഞ്ചാണ് കേസെടുത്തിരിക്കുന്നത്. വിഷയത്തില് പൊലീസ് നിയമോപദേശം തേടിയെന്ന റിപ്പോര്ട്ടുകള്ക്ക് പിന്നാലെയാണ് ക്രൈം ബ്രാഞ്ച് സ്വമേധയ നടപടി സ്വീകരിച്ചിരിക്കുന്നത്.
നിര്ബന്ധിച്ച് ഗര്ഭച്ഛിദ്രം നടത്തിയെന്ന ആരോപണത്തില് ഉള്പ്പെടെ നിലവില് പൊലീസ്, ബാലാവകാശ കമ്മീഷന്, വനിത കമ്മീഷന് എന്നിവയില് പരാതി സമര്പ്പിക്കപ്പെട്ട സാഹചര്യത്തില് ആയിരുന്നു പൊലീസ് നിയമോപദേശം തേടിയത്.
Discussion about this post