കോഴിക്കോട്: കഴിഞ്ഞ ദിവസം മാഹി കനാലില് അഴുകിയ നിലയില് കണ്ടെത്തിയ സ്ത്രീയുടെ മൃതദേഹം തിരിച്ചറിഞ്ഞു. വടകര തോടന്നൂര് സ്വദേശിനി താഴെമലയില് ഓമനയാണ് മരിച്ചത്.
65 വയസ്സായിരുന്നു. ഇന്നലെ വൈകീട്ടോടെ തോടന്നൂര് കവുന്തന് നടപ്പാലത്തിനടുത്ത് കനാല് നവീകരണത്തിനെത്തിയ തൊഴിലാളികളാണ് മൃതദേഹം കണ്ടത്.
മുഖം വ്യക്തമല്ലാതെ അഴുകിയ നിലയിലായിരുന്നു മൃതദേഹം. തലയില് വെള്ള തോര്ത്ത് ചുറ്റിയിരുന്നു. ഇടത് കൈയ്യില് കറുപ്പും കാവിയും ചരട് കെട്ടിയിരുന്നു.
വടകര പൊലീസ് കേസ് രജിസ്റ്റര് ചെയ്ത് അന്വേഷണം നടത്തി വരികയായിരുന്നു.
അതിനിടെയാണ് ബന്ധുക്കള് എത്തി മൃതദേഹം തിരിച്ചറിഞ്ഞത്. മരണ കാരണം വ്യക്തമല്ല.
Discussion about this post