കോട്ടയം: വൈദ്യുതി പോസ്റ്റ് ഒടിഞ്ഞ് വീണ് ഫയര്ഫോഴ്സ് ഉദ്യോഗസ്ഥന് ദാരുണാന്ത്യം. കോട്ടയം ജില്ലയിലെ മുണ്ടക്കയത്ത് ആണ് സംഭവം. മുണ്ടക്കയം കരിനിലം സ്വദേശി കല്ലുകുന്നേല് കെ.എസ്. സുരേഷ് ആണ് മരിച്ചത്.
കാഞ്ഞിരപ്പള്ളി ഫയര്ഫോഴ്സ് ഓഫീസിലെ ഹോം ഗാർഡാണ് സുരേഷ്.മുണ്ടക്കയം അസമ്പനിയിൽ ചൊവ്വാഴ്ച രാവിലെ 11 മണിയോടെയിരുന്നു സംഭവം. വൈദ്യുതി ലൈനിലിലേയ്ക്ക് ചാഞ്ഞ് കിടന്ന മരം മുറിച്ച് മാറ്റുന്നതിനിടെയാണ് അപകടം സംഭവിച്ചത്.
മരം മുറിക്കുന്നതിനിടെ പോസ്റ്റ് ഒടിഞ്ഞുവീണ് സുരേഷിന്റെ ശരീരത്തിലേക്ക് പതിക്കുകയായിരുന്നു. ഗുരുതരമായി പരിക്കേറ്റ സുരേഷിനെഉടന് തന്നെ സുഹൃത്തുക്കള് ആശുപത്രിയിലെത്തിച്ചിരുന്നു.
എന്നാൽ സുരേഷിന്റെ ജീവന് രക്ഷിക്കാനായില്ല. വാരിയെല്ലുകള് ഒടിഞ്ഞിരുന്നുവെന്നും ആന്തരികാവയവങ്ങളിലും ഗുരുതരമായി പരിക്കേറ്റതായി ഡോക്ടര്മാര് പറഞ്ഞു.
Discussion about this post