മലപ്പുറം: എംഡിഎംഎയുമായി യുവാവ് പിടിയില്. മലപ്പുറം അഴിഞ്ഞിലത്താണ് സംഭവം. കാളികാവ് സ്വദേശി മുഹമ്മദ് ഷഫീഖ് ആണ് അറസ്റ്റിലായത്. 510 ഗ്രാം എംഡിഎംഎയുമായാണ് മുഹമ്മദ് ഷഫീഖ് അറസ്റ്റിലായത്.
ഇന്നലെ രാത്രിയാണ് സംഭവം. അഴിഞ്ഞിലത്തെ പഞ്ചനക്ഷത്ര ഹോട്ടലിന്റെ കാര്പാര്ക്കിങ്ങ് ഏരിയയില് മയക്കുമരുന്ന് കൈമാറാനായി കാത്തിരിക്കുമ്പോഴാണ് ഷഫീഖ് പിടിയിലാകുന്നത്.
രഹസ്യവിവരം ലഭിച്ചതിന്റെ അടിസ്ഥാനത്തിലാണ് ജില്ലാ പൊലീസ് മേധാവിയുടെ ഡാന്സാഫ് സംഘവും വാഴക്കാട് പൊലീസും ചേര്ന്നാണ് പ്രതിയെ പിടികൂടുന്നത്.
രണ്ടു നടിമാര്ക്ക് നല്കാനാണ് മയക്കുമരുന്ന് എത്തിച്ചതെന്നും ഒമാനില് നിന്നു വന്നയാളാണ് മയക്കുമരുന്ന് നടിമാരെ ഏല്പ്പിക്കാന് ആവശ്യപ്പെട്ട് നല്കിയതെന്നുമാണ് ഷഫീഖ് പൊലീസിന് നല്കിയ മൊഴി.
എന്നാല് നടിമാര് ആരാണെന്ന് അറിയില്ലെന്നും, കൂടുതലൊന്നും തന്നോട് വെളിപ്പെടുത്തിയില്ലെന്നും ഷെഫീഖ് പൊലീസിനോട് പറഞ്ഞു. ഷെഫീഖിന്റെ മൊഴിയില് എത്രമാത്രം വസ്തുതയുണ്ടെന്നും, നടിമാര് ആരാണെന്നും അന്വേഷിച്ചു വരുന്നതായി പൊലീസ് സൂചിപ്പിച്ചു.
Discussion about this post