കോട്ടയം: സംസ്ഥാനത്ത് ആഫ്രിക്കന് പന്നിപ്പനി സ്ഥിരീകരിച്ചു. കോട്ടയത്താണ് സംഭവം. കൂട്ടിക്കല്, വാഴൂര് പഞ്ചായത്തുകളിലാണ് ആഫ്രിക്കന് പന്നിപ്പനി സ്ഥിരീകരിച്ചിരിക്കുന്നത്.
കേരളത്തില് ആദ്യമായി 2022 ലാണ് ആഫ്രിക്കന് പന്നിപ്പനി സ്ഥിരീകരിച്ചത്. കോട്ടയത്ത് രോഗം സ്ഥിരീകരിച്ച ഫാമുകളുടെ ഒരു കിലോമീറ്റര് ചുറ്റളവില് രോഗബാധിത പ്രദേശമായി പ്രഖ്യാപിച്ചിട്ടുണ്ട്.
ഈ പ്രദേശത്തിന്റെ പത്ത് കിലോമീറ്റര് ചുറ്റളവില് പരിശോധനകളും നിരീക്ഷണവും നടത്തുമെന്ന് അധികൃതര് അറിയിച്ചു. മുണ്ടക്കയം, പാറത്തോട്, പൂഞ്ഞാര് തെക്കേക്കര, എലിക്കുളം, ചിറക്കടവ്, വെള്ളാവൂര്, കങ്ങഴ, പാമ്പാടി, കൂരോപ്പട, പള്ളിക്കത്തോട് ഗ്രാമപഞ്ചായത്തുകള് നിരീക്ഷണ മേഖലയില് ഉള്പ്പെടും.
2022 ല് വയനാട് ജില്ലയിലെ മാനന്തവാടി മുന്സിപ്പാലിറ്റിയിലും തവിഞ്ഞാല് ഗ്രാമപഞ്ചായത്തിലുമാണ് ആദ്യം രോഗം സ്ഥിരീകരിച്ചത്. പിന്നാലെ നെന്മേനി ഗ്രാമപഞ്ചായത്തിലും കണ്ണൂര് ജില്ലയിലെ കാണിച്ചാര് ഗ്രാമപഞ്ചായത്തിലും രോഗം സ്ഥിരീകരിച്ചു.
അന്ന് രോഗത്തിന്റെ പ്രഭവകേന്ദ്രത്തിന്റെ ഒരു കിലോമീറ്റര് ചുറ്റളവിലുള്ള പന്നിഫാമുകളിലെ പന്നികളെ നശിപ്പിക്കുകയും പുറത്ത് പത്ത് കിലോമീറ്റര് ചുറ്റളവിലെ പന്നി ഫാമുകളില് രോഗനിരീക്ഷണം നടത്തിയുമാണ് അന്ന് രോഗത്തിന്റെ വ്യാപനത്തെ മൃഗസംരക്ഷണ വകുപ്പ് തടഞ്ഞുനിര്ത്തിയത്.
Discussion about this post