കാസര്കോട്: കാസര്കോട് ജില്ലയിലെ പ്രൊഫഷണല് കോളജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്ക് നാളെ അവധി. കാലാവസ്ഥ വകുപ്പ് അതിതീവ്രമഴയ്ക്കുള്ള സാധ്യത പ്രവചിച്ച പശ്ചാത്തലത്തിലാണ് കളക്ടര് അവധി പ്രഖ്യാപിച്ചിരിക്കുന്നത്.
ട്യൂഷന് സെന്ററുകള്, അങ്കണവാടികള്, മദ്രസകള് എന്നിവയ്ക്കും അവധി ബാധകമാണെന്ന് ജില്ലാ കലക്ടര് കെ ഇമ്പശേഖര് അറിയിച്ചു. അതേസമയം, മോഡല് റസിഡന്ഷല് സ്കൂളുകള്ക്ക് അവധി ബാധകമല്ല.
അതിതീവ്രമഴ പെയ്യാനുള്ള സാധ്യത കണക്കിലെടുത്ത് ഇന്ന് കാസര്കോട് ജില്ലയില് കാലാവസ്ഥ വകുപ്പ് റെഡ് അലര്ട്ട് പ്രഖ്യാപിച്ചിട്ടുണ്ട്. നാളെ ഓറഞ്ച് അലേര്ട്ട് ആണ് നല്കിയിരിക്കുന്നത്.
സംസ്ഥാനത്ത് വരും ഫിന്ജാല് ചുഴലിക്കാറ്റിന്റെ പശ്ചാത്തലത്തില് ദിവസങ്ങളിലും മഴ തുടരുമെന്നാണ് കാലാവസ്ഥ വകുപ്പിന്റെ കണക്കുകൂട്ടല്. ഇന്ന് കാസര്കോടിന് പുറമേ മലപ്പുറം, കോഴിക്കോട്, വയനാട്, കണ്ണൂര് ജില്ലകളിലും കാലാവസ്ഥ വകുപ്പ് റെഡ് അലേര്ട്ട് പ്രഖ്യാപിച്ചിട്ടുണ്ട്.
Discussion about this post