കോഴിക്കോട്: വടകര ദേശീയപാതയില് മണ്ണിടിച്ചില്. മുക്കാളിയില് റോഡ് നിര്മാണം നടക്കുന്ന ഭാഗത്തെ സംരക്ഷണഭിത്തിയാണ് തകര്ന്നത്. ഇന്ന് രാവിലെയാണ് സംഭവം.
മണ്ണിടിച്ചിലുണ്ടായതിനെ തുടര്ന്ന് ഗതാഗതം വഴി തിരിച്ചുവിട്ടു. സംരക്ഷണഭിത്തി പൂര്ണമായും തകര്ന്ന് റോഡില് പതിച്ച നിലയിലാണ്. തലനാരിഴയ്ക്കാണ് വാഹനങ്ങള് അപകടത്തില്പ്പെടാതെ രക്ഷപ്പെട്ടത്.
മണ്ണ് നീക്കാതെ ഗതാഗം നടത്താന് കഴിയാത്ത സാഹചര്യമാണ്. അതുകൊണ്ട് ഗതാഗതം വഴിതിരിച്ചുവിട്ടിരിക്കുകയാണ്. ഫയര്ഫോഴ്സും പൊലീസും ഉള്പ്പടെ സ്ഥലത്തെത്തിയിട്ടുണ്ട്.
കണ്ണൂരില് നിന്ന് കോഴിക്കോട്ടേക്ക് വരുന്ന വാഹനങ്ങള് കുഞ്ഞിപ്പള്ളിയില് നിന്നും, കോഴിക്കോട്ട് നിന്ന് കണ്ണൂരിലേക്ക് പോകുന്ന വാഹനങ്ങള് കൈനാട്ടിയില് നിന്നും വഴി തിരിച്ച് വിട്ടിരിക്കുകയാണ്.
Discussion about this post